وڭتۇستىك قازاقستان وبلىسىندا سىبايلاس جەمقورلىقتى تومەندەتۋ ماقساتىندا ءبىلىم بەرۋ ۇيىمدارىنداعى تەحنيكالىق قىزمەتكەرلەردىڭ جۇمىسىن ۇيىمداستىرۋ جانە مەكتەپ ديرەكتورلارىن تاعايىنداۋ جۇمىستارى جاڭاشا فورماتتا جۇزەگە اسىرىلاتىن بولدى.

وبلىس اكىمى جانسەيىت تۇيمەبايەۆتىڭ ءتوراعالىق ەتۋىمەن وتكەن سەلەكتورلىق جيىندا اتالعان ماسەلە جان-جاقتى تالقىلاندى.

جيىندا بايانداما جاساعان وبلىس اكىمىنىڭ ورىنباسارى ۇ.سادىبەكوۆ ءبىلىم سالاسىندا ورىن العان ءبىرقاتار سىبايلاس جەمقورلىق دەرەكتەرىنە تولتالىپ، ونىڭ الدىن الۋ جولدارىن ۇسىندى.

– 2015 جىلدان بەرى سىبايلاس-جەمقورلىق، قۇقىقبۇزۋشىلىق فاكتىلەرىنە جول بەرگەن ءبىلىم سالاسىنىڭ 55 قىزمەتكەرى تارتىپتىك، قىلمىستىق جاۋاپكەرشىلىككە تارتىلعان. وسىنداي ولقىلىقتىڭ الدىن الۋ ماقساتىندا «سيفرلى قازاقستان» مەملەكەتتىك باعدارلاماسى قولعا الىنىپ وتىر.

وسىعان دەيىن پەداگوگيكالىق قىزمەتكە كانديداتتار، جوعارعى وقۋ ورىندارىنىڭ تۇلەكتەرى، بوس جۇمىس ورىندارىن ىزدەۋ ماقساتىندا بارلىق ءبىلىم بەرۋ ۇيىمدارىن ارالاۋعا ءماجبۇر ەدى.

اتالعان جۇيە ەنگىزىلگەننەن كەيىن ۆەب-پورتال ارقىلى ءونلاين-وتىنىشتى جولداپ، كونكۋرستىق نەگىزدە ىرىكتەۋدەن ءوتىپ جۇمىسقا قابىلداۋعا كوميسسياعا ۇسىنىلادى. بۇل جۇمىستار قوعامدا ورىن الاتىن سىبايلاس-جەمقورلىق فاكتىلەرىنىڭ تۋىنداۋىنا ءبىرشاما كەدەرگىسىن تۋعىزادى دەپ سانايمىز، – دەدى ۇلاسبەك سادىبەك ۇلى.



بۇل جۇيە شىمكەنت قالاسىنداعى بارلىق مەكتەپكە ورناتىلعان. ناتيجەسىندە قالاداعى ءبىلىم ۇيالارىندا 12، ال وبلىس بويىنشا 205 بوس جۇمىس ورىنى بار ەكەنى انىقتالعان. دەگەنمەن، كەيبىر اۋدانداردا اتالعان جۇيەنىڭ ماقساتتى جۇمىس ىستەۋى ءۇشىن قاجەتتى كابينەتتەر جابدىقتالماعان. سونىمەن قاتار، بۇل جۇيەنىڭ جانە كابينەتتىڭ جۇمىسىن ۇيلەستىرۋ ءۇشىن ءىت-ماماندار بىرلىكتەرى بولىنبەگەن.

ايماق باسشىسى اۋدان، قالا اكىمدەرىنە اتالعان كەمشىلىكتەردى جويۋدى تاپسىردى.

سونىمەن قاتار، مەكتەپ ديرەكتورلارىنىڭ وقۋ-تاربيە جانە پەداگوگيكالىق يننوۆاسيا جۇمىستارىمەن اينالىسۋىنا تولىق مۇمكىندىكتەر جاساۋ ماقساتىندا ءبىلىم بەرۋ ۇيىمدارىنداعى تەحنيكالىق قىزمەتكەرلەردىڭ جۇمىسىن ۇيىمداستىرۋدى جانە مەكتەپ عيماراتتارىن ۇستاۋ قىزمەتتەرىن جاڭا فورمادا ۇيىمداستىرۋ ءۇشىن جەرگىلىكتى جەرلەردەگى كوممۋنالدىق شارۋاشىلىق قىزمەتىنە بەرۋ مەحانيزىمىن قاراستىرۋ جونىندە ۇسىنىس جاسالدى.

– ءبىز ءبىلىم بەرۋ ۇيىمدارىنىڭ باسشىلارىن تاعايىنداۋداعى ءداستۇرلى جۇيەنى تۇبەگەيلى وزگەرتىپ، جاڭاشىلدىققا بەت بۇرۋدى باستادىق. ول – زامان تالابى. قازىرگى تاڭدا، وبلىس بويىنشا 7 اۋداندا 25 مەكتەپ ديرەكتورى لاۋازىمى قىزمەتىنە بوس ورىن بولعانىمەن سايتقا جاريالانباي وتىر. ولار ارىس، قازىعۇرت، ماقتارال، وتىرار، سايرام، تولەبي، تۇلكىباس. سونىمەن قاتار، 2018 جىلدىڭ ءى-توقسانىندا

ءبىلىم باسقارماسىنا جەكە تۇلعالاردان 104 ارىز-شاعىم كەلىپ تۇسسە ونىڭ 68ء-ى مەكتەپ باسشىلىعىنا قاتىستى، 9-ى سىبايلاستىق فاكتىلەرىنە، 12ء-سى ەڭبەك قاتىناسىنا قاتىستى، قالعان 15ء-ى وزگە دە ماسەلەلەردى قۇراعان.

مىنە، وسى پروبلەمالاردى بولدىرماۋ تىكەلەي جەرگىلىكتى اكىمدىكتىڭ جۇمىسى. ءبىلىم سالاسىنا ساندىق تەحنولوگيانىڭ جەتىستىكتەرىن جانە وزگە دە جاڭا زامانعا جۇيەلەردى ەنگىزىپ، تۋىنداعان ماسەلەلەردى تۇبەگەيلى شەشۋدىڭ جولىن تابۋ كەرەك، – دەدى جانسەيىت قانسەيىت ۇلى.



جيىندى قورىتىندىلاعان ايماق باسشىسى وبلىس اكىمىنىڭ ورىنباسارى ۇ.سادىبەكوۆكە تالداۋ جۇمىستارىن جۇرگىزۋدى جانە كەمشىلىككە جول بەرگەن ماماندارعا ءتيىستى شارا قابىلداۋدى تاپسىردى. سونىمەن بىرگە مەكتەپ ديرەكتورلارىن روتاسيالاۋ بويىنشا ۇتىمدى ۇسىنىس جاساۋ قاجەتتىلىگىن ايتتى. سەبەبى، ارنايى زەردەلەۋ بارىسىندا ءبىر مەكتەپتە 15 جىلدان جوعارى – 36، 20 جىلدان جوعارى – 19 ديرەكتور قىزمەت ەتەتىندىگى انىقتالعان.

 

وقو اكىمىنىڭ باسپا ءسوز قىزمەتى