قازاقستان قارجىگەرلەرٸ قاۋىمداستىعىنىڭ (ققق) قارجى نارىعىنىڭ كەسٸبي قاتىسۋشىلارى اراسىندا جٷرگٸزگەن كەزەكتٸ ساۋالناماسىنا سەيكەس, بٸر جىلدان كەيٸنگٸ ينفلياتسييا دەڭگەيٸ 9,7% بولادى دەپ بولجانىپ وتىر. بۇل ٶتكەن ايداعى 10,4% بولجامنان تٶمەن, دەپ حابارلايدى dalanews.kz.
ساۋالناما نەتيجەسٸ بويىنشا, الداعى 12 ايدا بازالىق مٶلشەرلەمە 14,5% دەڭگەيٸندە بولادى دەپ كٷتٸلەدٸ. بۇل ونىڭ بٸرتٸندەپ تٶمەندەۋ ٷردٸسٸ جالعاسۋى مٷمكٸن ەكەنٸن كٶرسەتەدٸ.
الايدا ساراپشىلار اقشا-نەسيە ساياساتىن جۇمسارتۋعا مٷمكٸندٸك ەلٸ دە شەكتەۋلٸ ەكەنٸن ايتادى. بۇعان ينفلياتسييالىق كٷتۋلەردٸڭ جوعارى بولۋى, بيۋدجەتتٸك جەنە كۆازيمەملەكەتتٸك شىعىستاردىڭ ارتۋى, تاريفتٸك رەفورمالاردىڭ جالعاسۋى جەنە سىرتقى نارىقتارداعى باعا ٶزگەرٸستەرٸنە بايلانىستى تەۋەكەلدەر ەسەر ەتۋٸ مٷمكٸن.
سونىمەن قاتار ساراپشىلار تەڭگە باعامىنا قاتىستى بولجامدارىن جاقسارتتى. قاراشا ايىنىڭ باسىندا دوللار باعامى 1 اقش دوللارى ٷشٸن 456,5 تەڭگە بولادى دەپ كٷتٸلۋدە. بٸر اي بۇرىن بۇل كٶرسەتكٸش 474,2 تەڭگە دەڭگەيٸندە بولجانعان ەدٸ.
ال بٸر جىلدىق كەزەڭگە ارنالعان بولجام بويىنشا دوللار باعامى 502,6 تەڭگە بولۋى مٷمكٸن. بۇعان دەيٸنگٸ بولجام 511,6 تەڭگە بولعان.
ساراپشىلاردىڭ پٸكٸرٸنشە, ۇلتتىق ۆاليۋتاعا سىرتقى ساۋداداعى وڭ ايىرما, ۇلتتىق بانك پەن ەكسپورتتاۋشىلار تاراپىنان شەتەل ۆاليۋتاسىنىڭ ۇسىنىسى, سونداي-اق 2027 جىلى ۇلتتىق قوردان بٶلٸنەتٸن ترانسفەرتتەردٸڭ 2,8 ترلن تەڭگەدەن 4,4 ترلن تەڭگەگە دەيٸن ۇلعايۋى قولداۋ كٶرسەتۋٸ ىقتيمال.
سونىمەن بٸرگە Brent ماركالى مۇنايدىڭ بٸر جىلدان كەيٸنگٸ باعاسىنا قاتىستى بولجام تٶمەندەدٸ. ەگەر ٶتكەن ايدا ساراپشىلار مۇناي باعاسى باررەلٸنە 83,7 دوللار بولادى دەپ كٷتسە, قازٸر بۇل كٶرسەتكٸش 79 دوللارعا دەيٸن تٶمەندەگەن.
قازاقستان ەكونوميكاسىنىڭ ٶسٸمٸ الداعى 12 ايدا 4,4% دەڭگەيٸندە ساقتالادى دەگەن بولجام ٶزگەرٸسسٸز قالدى. ساراپشىلار بۇل كٶرسەتكٸشكە قارجىلىق جاعدايلاردىڭ بٸرتٸندەپ جاقسارۋى, بيۋدجەت شىعىستارىنىڭ ارتۋى جەنە ٸرٸ ينۆەستيتسييالىق جوبالاردىڭ ٸسكە اسىرىلۋى وڭ ەسەر ەتەدٸ دەپ ەسەپتەيدٸ.
