Oqý-aǵartý ministri Ǵani Beisembaev zeinetker muǵalimderdiń jalaqysyna qatysty oiyn aitty, - dep habarlaidy Dalanews.kz Ulysmedia.kz-ke siltep.
Ministrdiń aitýynsha, Qazaqstanda 600 myńǵa jýyq muǵalim qyzmet etedi. Onyń ishinde zeinet jasynda eńbek etip jatqan ustazdardyń sany – 6 myńǵa jýyq.
– Zeinetkerler tek aýylda ǵana emes, úlken qalalarda jumys istep jatyr. Aýyldy mektepterde, ásirese shaǵyn jinaqty mektepterde bul máseleni sheshý baǵytynda biz qazir osy mektepterge qoldaý kórsetý úshin resýrstyq ortalyqtar arqyly tirek mektepterdi quryp jatyrmyz. Aqtóbe qalasynda muny pilot rejimi retinde engizip jatyrmyz. 20 nemese 10-15 oqýshysy bar mektepterdegi muǵalimderdiń tapshylyǵy tiisti saǵattyń, shtattyq birliktiń joq bolǵanyna bailanysty týyndap otyr. Ony sheshý úshin tsifrlyq kontentterdi qoldanyp, resýrstyq ortalyqtardyń tsifrlyq muǵalim degen jobanyń sheńberinde jumys júrgizip jatyrmyz. Joba nátijesin berip jatyr. Buǵan 400-ge jýyq tirek mektepteri kiredi. Bul shamamen 1 myńnan astam shaǵyn jinaqty mekteptiń máselesin sheshedi, – deidi ol.
Taqyryptan sál aýytqyp ketkenimen, ministr jýrnaliske qansha muǵalim kerektigi týrasynda naqty túsinikti bolý úshin aqparat bergenin aitady. Al jumys isteitin zeinetkerlerdiń zeinetaqysy toqtap qalsa, erteń olar mektepten ketip qalmai ma degen suraqqa Beisembaev qysqa qaiyrdy.
– Birinshiden, ol áli oi ǵana. Qabyldanǵan joq. Qabyldanýy, qabyldanbaýy da úlken suraq. Sondyqtan, oǵan kóp menińshe, nazar aýdarýdyń qajeti joq dep oilaimyn, – deidi Beisembaev.
Buǵan deiin ministr Svetlana Jaqypova qazir zeinettegi, jumys istep júrgen azamattar zeinetaqysyn da, ailyǵyn da ala beretinin aitqan edi.
Eske sala keteiik, buǵan deiin eńbek jáne halyqty áleýmettik qorǵaý ministri Svetlana Jaqypova sarapshylar "azamattar zeinetke shyǵý quqyǵyn keiinge qaldyrsa, oǵan onda zeinetaqy tólemeý" týraly usynys bildirgenin málim etken edi. Ministrdiń aitýynsha, eńbek naryǵyna biyldyń ózine 300 myń adam qosylǵan. Alaida bul bastamany Jaqypova "usynys" ekenin, ol áli qabyldanbaǵanyn aitqan bolatyn.
Májilis depýtaty Aidos Sarym jumys isteitin zeinetkerlerdiń zeinetaqysyn toqtatý týraly bastamany synady.
"Bul shara eńbek etý jáne áleýmettik qamsyzdandyrý quqyǵyna kepildik beretin Qazaqstan Respýblikasynyń Konstitýtsiiasyna qaishy keledi. Aita keteiik, zeinetke shyǵý ólim jazasy emes. Árbir Qazaqstan azamaty zeinetkerlik jasqa jetkende de adal eńbek etýge quqyly, áitpese kásibi muǵalimderdiń, dárigerlerdiń jáne basqa da sanattaǵy mamandardyń tapshylyǵyna bailanysty máselelerdi qalai sheshýge bolady?" - dedi Aidos Sarym.
Ol elimizdegi kadr tapshylyǵyn basa aitty.
"Máselen, enbek.kz Eńbek birjasynyń málimetinshe, 4 qarashadaǵy jaǵdai boiynsha 53 826 bos jumys orny bolsa, onyń 13 356-sy eńbek ótilin talap etpeidi. Basqa jumys izdeý platformasy Head Hunter (hh.kz) 47 946 bos jumys orny bar", - dedi depýtat.
Onyń aitýynsha, taǵy bir tendentsiia - jastardyń shetelge jumysqa ketýi. Ol bul úderis jumys tapshylyǵyna emes, jalaqynyń az bolǵanyna bailanysty ekenin aitty.
