وقۋ-اعارتۋ مينيسترٸ عاني بەيسەمباەۆ زەينەتكەر مۇعالٸمدەردٸڭ جالاقىسىنا قاتىستى ويىن ايتتى, - دەپ حابارلايدى Dalanews.kz Ulysmedia.kz-كە سٸلتەپ.
مينيستردٸڭ ايتۋىنشا, قازاقستاندا 600 مىڭعا جۋىق مۇعالٸم قىزمەت ەتەدٸ. ونىڭ ٸشٸندە زەينەت جاسىندا ەڭبەك ەتٸپ جاتقان ۇستازداردىڭ سانى – 6 مىڭعا جۋىق.
– زەينەتكەرلەر تەك اۋىلدا عانا ەمەس, ٷلكەن قالالاردا جۇمىس ٸستەپ جاتىر. اۋىلدى مەكتەپتەردە, ەسٸرەسە شاعىن جيناقتى مەكتەپتەردە بۇل مەسەلەنٸ شەشۋ باعىتىندا بٸز قازٸر وسى مەكتەپتەرگە قولداۋ كٶرسەتۋ ٷشٸن رەسۋرستىق ورتالىقتار ارقىلى تٸرەك مەكتەپتەردٸ قۇرىپ جاتىرمىز. اقتٶبە قالاسىندا مۇنى پيلوت رەجيمٸ رەتٸندە ەنگٸزٸپ جاتىرمىز. 20 نەمەسە 10-15 وقۋشىسى بار مەكتەپتەردەگٸ مۇعالٸمدەردٸڭ تاپشىلىعى تيٸستٸ ساعاتتىڭ, شتاتتىق بٸرلٸكتٸڭ جوق بولعانىنا بايلانىستى تۋىنداپ وتىر. ونى شەشۋ ٷشٸن تسيفرلىق كونتەنتتەردٸ قولدانىپ, رەسۋرستىق ورتالىقتاردىڭ تسيفرلىق مۇعالٸم دەگەن جوبانىڭ شەڭبەرٸندە جۇمىس جٷرگٸزٸپ جاتىرمىز. جوبا نەتيجەسٸن بەرٸپ جاتىر. بۇعان 400-گە جۋىق تٸرەك مەكتەپتەرٸ كٸرەدٸ. بۇل شامامەن 1 مىڭنان استام شاعىن جيناقتى مەكتەپتٸڭ مەسەلەسٸن شەشەدٸ, – دەيدٸ ول.
تاقىرىپتان سەل اۋىتقىپ كەتكەنٸمەن, مينيستر جۋرناليسكە قانشا مۇعالٸم كەرەكتٸگٸ تۋراسىندا ناقتى تٷسٸنٸكتٸ بولۋ ٷشٸن اقپارات بەرگەنٸن ايتادى. ال جۇمىس ٸستەيتٸن زەينەتكەرلەردٸڭ زەينەتاقىسى توقتاپ قالسا, ەرتەڭ ولار مەكتەپتەن كەتٸپ قالماي ما دەگەن سۇراققا بەيسەمباەۆ قىسقا قايىردى.
– بٸرٸنشٸدەن, ول ەلٸ وي عانا. قابىلدانعان جوق. قابىلدانۋى, قابىلدانباۋى دا ٷلكەن سۇراق. سوندىقتان, وعان كٶپ مەنٸڭشە, نازار اۋدارۋدىڭ قاجەتٸ جوق دەپ ويلايمىن, – دەيدٸ بەيسەمباەۆ.
بۇعان دەيٸن مينيستر سۆەتلانا جاقىپوۆا قازٸر زەينەتتەگٸ, جۇمىس ٸستەپ جٷرگەن ازاماتتار زەينەتاقىسىن دا, ايلىعىن دا الا بەرەتٸنٸن ايتقان ەدٸ.
ەسكە سالا كەتەيٸك, بۇعان دەيٸن ەڭبەك جەنە حالىقتى ەلەۋمەتتٸك قورعاۋ مينيسترٸ سۆەتلانا جاقىپوۆا ساراپشىلار "ازاماتتار زەينەتكە شىعۋ قۇقىعىن كەيٸنگە قالدىرسا, وعان وندا زەينەتاقى تٶلەمەۋ" تۋرالى ۇسىنىس بٸلدٸرگەنٸن مەلٸم ەتكەن ەدٸ. مينيستردٸڭ ايتۋىنشا, ەڭبەك نارىعىنا بيىلدىڭ ٶزٸنە 300 مىڭ ادام قوسىلعان. الايدا بۇل باستامانى جاقىپوۆا "ۇسىنىس" ەكەنٸن, ول ەلٸ قابىلدانباعانىن ايتقان بولاتىن.
مەجٸلٸس دەپۋتاتى ايدوس سارىم جۇمىس ٸستەيتٸن زەينەتكەرلەردٸڭ زەينەتاقىسىن توقتاتۋ تۋرالى باستامانى سىنادى.
"بۇل شارا ەڭبەك ەتۋ جەنە ەلەۋمەتتٸك قامسىزداندىرۋ قۇقىعىنا كەپٸلدٸك بەرەتٸن قازاقستان رەسپۋبليكاسىنىڭ كونستيتۋتسيياسىنا قايشى كەلەدٸ. ايتا كەتەيٸك, زەينەتكە شىعۋ ٶلٸم جازاسى ەمەس. ەربٸر قازاقستان ازاماتى زەينەتكەرلٸك جاسقا جەتكەندە دە ادال ەڭبەك ەتۋگە قۇقىلى, ەيتپەسە كەسٸبي مۇعالٸمدەردٸڭ, دەرٸگەرلەردٸڭ جەنە باسقا دا ساناتتاعى مامانداردىڭ تاپشىلىعىنا بايلانىستى مەسەلەلەردٸ قالاي شەشۋگە بولادى?" - دەدٸ ايدوس سارىم.
ول ەلٸمٸزدەگٸ كادر تاپشىلىعىن باسا ايتتى.
"مەسەلەن, enbek.kz ەڭبەك بيرجاسىنىڭ مەلٸمەتٸنشە, 4 قاراشاداعى جاعداي بويىنشا 53 826 بوس جۇمىس ورنى بولسا, ونىڭ 13 356-سى ەڭبەك ٶتٸلٸن تالاپ ەتپەيدٸ. باسقا جۇمىس ٸزدەۋ پلاتفورماسى Head Hunter (hh.kz) 47 946 بوس جۇمىس ورنى بار", - دەدٸ دەپۋتات.
ونىڭ ايتۋىنشا, تاعى بٸر تەندەنتسييا - جاستاردىڭ شەتەلگە جۇمىسقا كەتۋٸ. ول بۇل ٷدەرٸس جۇمىس تاپشىلىعىنا ەمەس, جالاقىنىڭ از بولعانىنا بايلانىستى ەكەنٸن ايتتى.
