Oqý-aǵartý mınıstri Ǵanı Beısembaev mektep basshylyǵyna jańajyldyq shyrsha men senbilik ótkizý úshin ata-analardan aqsha jınaýǵa tyıym salynǵanyn málimdedi, dep habarlaıdy Dalanews.kz.
BAQ ókilderi mınıstrge mektepterde ótkiziletin jańajyldyq is-sharalar, senbilik jáne shyrshaǵa aqsha jınaý máselesine qatysty suraq qoıdy. Mınıstrdiń aıtýynsha, aqsha jınaýǵa qatysty mınıstrlik buıryq shyǵaryp, tyıym salǵan.
“Mektepte eshqandaı aqsha jınalmaýy kerek. Bul ereje mektep bitirý keshine de, jańajyldyq shyrshaǵa da qatysty. Barlyq sharany aqsha jınamaı-aq ótkizýge bolady. Qazirgi ýaqytta is-sharalar ‘Birtutas tárbıe’ baǵdarlamasy aıasynda josparlanyp otyr,” – dedi Beısembaev Úkimette ótken brıfıńte.
Mınıstr senbilik pen shyrshany qosymsha shyǵynsyz ótkizýge bolatyndyǵyn atap ótti. Sonymen qatar ol muǵalimderge tek ruqsat etilgen mólsherde gúl syılaýǵa bolatynyn aıtty.
“Muǵalimder eshqandaı syılyq kútpeıdi. Biz balalardy oqytyp, tárbıelegenimiz úshin materıaldyq yntalandyrýdy qajetsinbeımiz. Eger bilim berý mekemelerinde mundaı jaǵdaı oryn alsa, biz tıisti sharalar qabyldaımyz,” – dedi mınıstr.
