Soltústik Qazaqstan oblysynda az qamtylǵan otbasylardan shyqqan oqýshylarǵa jańa oqý jyly qarsańynda kómek kórsetilip jatyr,- dep habarlaidy Dalanews.kz
Dástúrli «Mektepke jol» aktsiiasynyń basty maqsaty — áleýmettik sebepterge bailanysty balanyń mektepke barmai qalýyna jol bermei, materialdyq qoldaý kórsetý. SQO Bilim basqarmasynyń málimetinshe, biyl oblys boiynsha 8706 oqýshy bir rettik járdemaqy alýǵa úmitker retinde tirkelgen. Bul maqsatqa 402,5 mln teńge josparlandy.
— Qazirgi tańda 6136 oqýshyǵa jalpy somasy 283,6 mln teńge mólsherinde kómek kórsetildi. Qarjylai kómek «Jalpy bilim» qory arqyly júzege asyrylady jáne ata-analardyń arnaiy shottaryna aýdarylady. Ol úshin rastaityn qujattardy usynýy qajet. Biyl birrettik járdemaqy mólsheri 46 228 teńge, — dedi bilim basqarmasynyń ókilderi.
Mamandardyń aitýynsha, aktsiia aiasynda demeýshiler de qoldaý bildirgen. Búgingi kúnge deiin 893 balaǵa 1,1 mln teńge mólsherinde kómek kórsetildi. Bul qarajatqa mektep formasy, aiaq kiim jáne oqý quraldary sekildi qajetti zattar alyndy. Aktsiia áli de jalǵasady.
