Meksikada Haliskonyń jańa urpaq karteli jetekshisi Nemesio Osegera Servantes ustaý operatsiiasy kezinde tapty. Artynsha elde zorlyq-zombylyq órship, keminde 14 adam mert boldy. Bul týraly Associated Press málimdedi, dep habarlaidy Dalanews.kz.
Qaza tapqandardyń arasynda Meksikanyń Ulttyq gvardiiasynda qyzmet etken jeti áskeri bar. Adam ólimine ákelgen oqiǵalar Halisko, Michoakan jáne Gýanahýato shtattarynda tirkelgen.
Buǵan deiin Meksikanyń Qorǵanys ministrligi operatsiianyń negizgi maqsaty Osegera Servantesti tiridei ustaý bolǵanyn málimdegen. Alaida áskeriler shtat astanasy Gvadalahara qalasynyń ońtústik-batysynda kartel múshelerimen atysqa túsken. Aýyr jaralanǵan Osegerany áýe jolymen Mehikoǵa jetkizýge áreket jasalǵanymen, ol ushý kezinde kóz jumǵan.
Osydan keiin kartel músheleri joldardy jaýyp, kólikterdi órtei bastaǵan. Meksikanyń kólemi jaǵynan ekinshi iri qalasy sanalatyn Gvadalahara bir táýlikke jýyq is júzinde qorshaýda qalǵan. Al amerikalyq zeinetkerler arasynda tanymal kýrortty qala Pýerto-Valiartada da kólikterdi órteý derekteri tirkelgen.
