مەكسيكادا حاليسكونىڭ جاڭا ۇرپاق كارتەلٸ جەتەكشٸسٸ نەمەسيو وسەگەرا سەرۆانتەس ۇستاۋ وپەراتسيياسى كەزٸندە تاپتى. ارتىنشا ەلدە زورلىق-زومبىلىق ٶرشٸپ, كەمٸندە 14 ادام مەرت بولدى. بۇل تۋرالى Associated Press مەلٸمدەدٸ, دەپ حابارلايدى Dalanews.kz.
قازا تاپقانداردىڭ اراسىندا مەكسيكانىڭ ۇلتتىق گۆارديياسىندا قىزمەت ەتكەن جەتٸ ەسكەري بار. ادام ٶلٸمٸنە ەكەلگەن وقيعالار حاليسكو, ميچواكان جەنە گۋاناحۋاتو شتاتتارىندا تٸركەلگەن.
بۇعان دەيٸن مەكسيكانىڭ قورعانىس مينيسترلٸگٸ وپەراتسييانىڭ نەگٸزگٸ ماقساتى وسەگەرا سەرۆانتەستٸ تٸرٸدەي ۇستاۋ بولعانىن مەلٸمدەگەن. الايدا ەسكەريلەر شتات استاناسى گۆادالاحارا قالاسىنىڭ وڭتٷستٸك-باتىسىندا كارتەل مٷشەلەرٸمەن اتىسقا تٷسكەن. اۋىر جارالانعان وسەگەرانى ەۋە جولىمەن مەحيكوعا جەتكٸزۋگە ەرەكەت جاسالعانىمەن, ول ۇشۋ كەزٸندە كٶز جۇمعان.
وسىدان كەيٸن كارتەل مٷشەلەرٸ جولداردى جاۋىپ, كٶلٸكتەردٸ ٶرتەي باستاعان. مەكسيكانىڭ كٶلەمٸ جاعىنان ەكٸنشٸ ٸرٸ قالاسى سانالاتىن گۆادالاحارا بٸر تەۋلٸككە جۋىق ٸس جٷزٸندە قورشاۋدا قالعان. ال امەريكالىق زەينەتكەرلەر اراسىندا تانىمال كۋرورتتى قالا پۋەرتو-ۆاليارتادا دا كٶلٸكتەردٸ ٶرتەۋ دەرەكتەرٸ تٸركەلگەن.
