Meditsinalyq saqtandyrý – tiimdiligi, artyqshylyǵy
Meditsinalyq saqtandyrý júiesi ne úshin engiziledi?
Mindetti áleýmettik meditsinalyq saqtandyrý qorynyń Astana qalasy boiynsha filialy meditsinalyq saqtandyrý júiesine engiziletin ózgerister jaiynda Halyqqa qyzmet kórsetý, eńbekpen qamtý ortalyqtarynda, jumys oryndarynda, t.b.belgilengen ýaqyt aralyǵyndatúsindirý jumystaryn júrgizedi. Sonda baiqaǵanymyz, jumys berýshilerdiń, jumyskerlerdiń, bir sózben aitqanda turǵyn halyqtyń basym bóligi «Meditsinalyq saqtandyrý júiesi ne úshin engiziledi?», «Qanshalyqty tiimdi?», «Qazirgi meditsinalyq qyzmet júiesinen qandai artyqshylyǵy bar?», «Qandai ózgerister bolady?» degen saýaldardy jii qoiady. Sondyqtan, osy jáne basqa da saýaldarǵa taǵy bir nazar aýdartýdy jón kórdik.
«Jańa tiimdi densaýlyq saqtaý júiesin qalyptastyrý qajettiligi, kórsetiletin meditsinalyq kómektiń tiimdiliginiń tómen ekendigi burynnan aitylyp keldi.Saqtandyrý meditsinasy azamattyń tapqan tabysyna, ol úshin aýdarylǵan jarna kólemine qaramastan meditsinalyq kómektiń barlyq túrlerin alýyna múmkindik beredi. Onyń ishinde josparly statsionarlyq kómek te, dári-dármekpen qamtý da, joǵary mamandandyrylǵan meditsinalyq qyzmet túrleri men ońaltý da, diagnostikalyq-konsýltatsiialyq kómek te, medbike kútimi men palliativtik kómek te bar», - deidi «Áleýmettik meditsinalyq saqtandyrý qory» KEAQ Astana qalasy boiynsha filialynyń direktory Nurlybek Qabdyqaparov.
Birinshiden, mindetti áleýmettik meditsinalyq saqtandyrý arqyly Qazaqstan aýmaǵynda Siz ózińiz tańdaǵan kez kelgen emhanadan meditsinalyq kómek ala alasyz. Bul jaǵdaida, emhananyń shyǵyndaryn tolyǵymen Qor óteidi;
Ekinshiden, tegin meditsinalyq kómektiń kepildendirilgen kólemi jáne mindetti áleýmettik meditsinalyq saqtandyrý paketteri sheńberinde qarastyrylǵan meditsinalyq kómekke jumsalatyn qosymsha tólemderdiń barlyq túrinen bosatylasyz;
Úshinshiden, Siz úshin meditsinalyq uiymdarda kórsetilgen qyzmetterge, Áleýmettik meditsinalyq saqtandyrý qoryna aýdarylǵan jarnalar týraly ai saiyn aqparat alýǵa múmkindigińiz bar;
Tórtinshiden, sapasyz qyzmet kórsetilgen nemese mindetti áleýmettik meditsinalyq saqtandyrýǵa qatysýshy retinde quqyqtaryńyz buzylǵan jaǵdaida Qor saqtandyrylǵan azamattardyń quqyqtary men múddelerin qorǵaidy.
Besinshiden, MÁMS júiesin engizý kórsetiletin meditsinalyq kómektiń sapasyn jaqsartýǵa múmkindik beredi.
Qandai artyqshylyǵy bar?
Mindetti áleýmettik meditsinalyq saqtandyrý júiesiniń artyqshylyǵy –jarnany árkim múmkindigine qarai tólep, qajetine qarai meditsinalyq qyzmet kórsetiletindiginde. Iaǵni, MÁMS aiasynda qyzmet kórsetetin meditsinalyq uiymnan qajettiligińizge qarai, syrqatyńyzdy qansha ýaqyt emdeý kerek bolsa, sonsha meditsinalyq kómek alýǵa quqylysyz, biraq alatyn meditsinalyq kómek kólemi dárigerdiń taǵaiyndaýyna bailanysty. MÁMS paketine kiretin qyzmetter tolyq kórsetiledi jáne qosymsha aqy tóleýdi qajet etpeidi.
Sapaly meditsinalyq kómek kórsetý, qajetti dári-dármektermen qamtamasyz etý, sondai-aq, elimizdegi úzdik klinikalarda tiimdi emdelý jáne qymbat baǵaly operatsiialar jasatý múmkindigi jumys isteitin ár azamattyń densaýlyǵyn saqtaýǵa, eńbekke jaramsyzdyq qaǵazdarynyń merzimin qysqartýǵa jáne jumys berýshilerdiń shyǵyndaryn azaitýǵa yqpal etedi.
Ózgeristerdi bilesiz be?
«Qazaqstan Respýblikasynyń keibir zańnamalyq aktilerine densaýlyq saqtaý máseleleri boiynsha ózgerister men tolyqtyrýlar engizý týraly» 2018 jylǵy 28 jeltoqsandaǵy № 208-VI Qazaqstan Respýblikasynyń Zańy negizinde «Mindetti áleýmettik meditsinalyq saqtandyrý týraly» Qazaqstan Respýblikasynyń Zańyna birqatar ózgerister engizildi.
Jarna mólsheri týraly aitar bolsaq, elordalyq jumys berýshiler 2019 jyly óz qarajaty esebinen jumysker úshin onyń tabysynyń 1,5% mólsherinde, 2020 jyldan bastap 2% mólsherinde (+jumysker qarajaty esebinen onyń tabysynyń 1% mólsherinde) jarna aýdarady.
Jeke kásipkerler ózi úshin 2020 jyldan bastap, tiisti qarjylyq jyldaǵy eń tómengi jalaqynyń 1,4 ese mólsherinen 5% jarna tóleidi.
Memleket esebinen 2020 jyldan bastap halyqtyń 13 sanaty úshin jarna aýdarylady. Olar: balalar, zeinetkerler, onyń ishinde Uly Otan soǵysynyń qatysýshylary men múgedekteri, kóp balaly analar, jumys istemeitin júkti áielder, bala kútimine bailanysty demalystaǵy analar, múgedekter jáne múgedek balalarǵa kútim jasaityn adamdar, tirkelgen jumyssyzdar, jumys istemeitin oralmandar, stýdentter, internat tárbielenýshileri, tergeý izoliatorlaryndaǵylar men túrmede jazasyn óteýshiler.
Meditsinalyq saqtandyrý qoryna kelip túsken qarjy, óz kezeginde Astana qalasyndaǵy emdeý mekemeleri kórsetken meditsinalyq qyzmetter aqysyn tóleýge jumsalady. Al halyqqa kórsetiletin meditsinalyq qyzmet sapasy Qor baqylaýynda bolady.
"Áleýmettik meditsinalalyq saqtandyrý qory" KEAQ
Astana qalasy boiynsha filialynyń baspasóz qyzmeti
