«Medeý» muz aidynynda byltyr syrǵanaý maýsymy 15 naýryz kúni aiaqtalǵan edi. Almaty ákimdiginiń málimetinshe, biyl qala turǵyndarynyń tilegi jáne muzdy tiisti deńgeide saqtaýǵa múmkindik beretin aýa raiynyń arqasynda nysan naýryz aiynyń sońyna deiin jumys isteidi,- dep habarlaidy Dalanews.kz
Aita keteiik, 11 naýryzdan bastap muz aidyny tek keshki jumys ýaqytyna kóshti. Atap aitqanda, jumys kúnderi saǵat 17:00-den 20:00-ge deiin, al demalys kúnderi 17:00-den 20:00-ge deiin jáne 21:00-den 24:00-ge deiin ashyq bolady.
Almaty qalasynyń Qurylys basqarmasy biylǵy maýsymnan keiin «Medeý» jóndeý jumystaryna jabylatynyn málimdedi.
«Medeýdi» jańǵyrtý jumystary EPC kelisimsharty (Engineering, Procurement, Construction) sheńberinde osy jyly josparlanǵan. Tiisinshe, bul maýsym jóndeý jumystary aldyndaǵy sońǵy maýsym bolady. Jobanyń quny memlekettik saraptamadan ótkennen keiin aiqyndalady, - dep habarlady basqarmadan.
Rekonstrýktsiia jumystaryn 2025-2027 jyldary aralyǵynda júrgizý josparlanǵan. Qala ákimshiligi «Medeý» muz aidyny jabylýyna bailanysty jappai syrǵanaýdyń qoljetimdiligin qamtamasyz etý úshin qysqy maýsymda kóshe muz aidyndarynyń sanyn odan ári ulǵaitýdy qarastyrady.
