«مەدەۋ» مۇز ايدىنىندا بىلتىر سىرعاناۋ ماۋسىمى 15 ناۋرىز كٷنٸ اياقتالعان ەدٸ. الماتى ەكٸمدٸگٸنٸڭ مەلٸمەتٸنشە, بيىل قالا تۇرعىندارىنىڭ تٸلەگٸ جەنە مۇزدى تيٸستٸ دەڭگەيدە ساقتاۋعا مٷمكٸندٸك بەرەتٸن اۋا رايىنىڭ ارقاسىندا نىسان ناۋرىز ايىنىڭ سوڭىنا دەيٸن جۇمىس ٸستەيدٸ,- دەپ حابارلايدى Dalanews.kz
ايتا كەتەيٸك, 11 ناۋرىزدان باستاپ مۇز ايدىنى تەك كەشكٸ جۇمىس ۋاقىتىنا كٶشتٸ. اتاپ ايتقاندا, جۇمىس كٷندەرٸ ساعات 17:00-دەن 20:00-گە دەيٸن, ال دەمالىس كٷندەرٸ 17:00-دەن 20:00-گە دەيٸن جەنە 21:00-دەن 24:00-گە دەيٸن اشىق بولادى.
الماتى قالاسىنىڭ قۇرىلىس باسقارماسى بيىلعى ماۋسىمنان كەيٸن «مەدەۋ» جٶندەۋ جۇمىستارىنا جابىلاتىنىن مەلٸمدەدٸ.
«مەدەۋدٸ» جاڭعىرتۋ جۇمىستارى EPC كەلٸسٸمشارتى (Engineering, Procurement, Construction) شەڭبەرٸندە وسى جىلى جوسپارلانعان. تيٸسٸنشە, بۇل ماۋسىم جٶندەۋ جۇمىستارى الدىنداعى سوڭعى ماۋسىم بولادى. جوبانىڭ قۇنى مەملەكەتتٸك ساراپتامادان ٶتكەننەن كەيٸن ايقىندالادى, - دەپ حابارلادى باسقارمادان.
رەكونسترۋكتسييا جۇمىستارىن 2025-2027 جىلدارى ارالىعىندا جٷرگٸزۋ جوسپارلانعان. قالا ەكٸمشٸلٸگٸ «مەدەۋ» مۇز ايدىنى جابىلۋىنا بايلانىستى جاپپاي سىرعاناۋدىڭ قولجەتٸمدٸلٸگٸن قامتاماسىز ەتۋ ٷشٸن قىسقى ماۋسىمدا كٶشە مۇز ايدىندارىنىڭ سانىن ودان ەرٸ ۇلعايتۋدى قاراستىرادى.
