Almaty ákimi Erbolat Dosaev pen Medeý aýdanynyń turǵyndarynyń kezdesýinde Medeý aýdanynda jol-kólik ınfraqurylymyn damytý jumystary jalǵasyp jatqanyn atap ótti.
– Bıyl aýdandaǵy qashyqtyǵy 21,8 shaqyrymdy quraıtyn 28 kóshege ortasha jóndeý jumystary josparlanǵan bolatyn. Segiz kósheni jóndeý jumystary qyrkúıekte aıaqtalsa, qalǵan 20 kóshe aǵymdaǵy jyldyń qazan aıynyń sońyna deıin aıaqtaımyz, – dedi qala ákimi óz sózinde.
Onyń aıtýynsha, aýdan ákimdigi 2023 jyly 50 myń sharshy/metr jol jóndeý jumystaryn júrgizgenin alǵa tartty. Búgingi tańda kólemi 48 myń sharshy/metr bolatyn 57 kóshe jóndelýde. Jumys aǵymdaǵy jyldyń qyrkúıek aıynyń sońyna deıin aıaqtalmaqshy.
Ákim aýdan turǵyndarymen kezdesýinde 24,5 shaqyrymdy quraıtyn jaıaý júrginshiler jolyna da jóndeý jumystary júrgizilip jatqanyn tilge tıek etti.
