الماتى ەكٸمٸ ەربولات دوساەۆ پەن مەدەۋ اۋدانىنىڭ تۇرعىندارىنىڭ كەزدەسۋٸندە مەدەۋ اۋدانىندا جول-كٶلٸك ينفراقۇرىلىمىن دامىتۋ جۇمىستارى جالعاسىپ جاتقانىن اتاپ ٶتتٸ.
– بيىل اۋدانداعى قاشىقتىعى 21,8 شاقىرىمدى قۇرايتىن 28 كٶشەگە ورتاشا جٶندەۋ جۇمىستارى جوسپارلانعان بولاتىن. سەگٸز كٶشەنٸ جٶندەۋ جۇمىستارى قىركٷيەكتە اياقتالسا, قالعان 20 كٶشە اعىمداعى جىلدىڭ قازان ايىنىڭ سوڭىنا دەيٸن اياقتايمىز, – دەدٸ قالا ەكٸمٸ ٶز سٶزٸندە.
ونىڭ ايتۋىنشا, اۋدان ەكٸمدٸگٸ 2023 جىلى 50 مىڭ شارشى/مەتر جول جٶندەۋ جۇمىستارىن جٷرگٸزگەنٸن العا تارتتى. بٷگٸنگٸ تاڭدا كٶلەمٸ 48 مىڭ شارشى/مەتر بولاتىن 57 كٶشە جٶندەلۋدە. جۇمىس اعىمداعى جىلدىڭ قىركٷيەك ايىنىڭ سوڭىنا دەيٸن اياقتالماقشى.
ەكٸم اۋدان تۇرعىندارىمەن كەزدەسۋٸندە 24,5 شاقىرىمدى قۇرايتىن جاياۋ جٷرگٸنشٸلەر جولىنا دا جٶندەۋ جۇمىستارى جٷرگٸزٸلٸپ جاتقانىن تٸلگە تيەك ەتتٸ.
