Maiqaiyń kentiniń turǵyndary Pavlodar oblysynyń ákimi Asaiyn Baihanovtan kómek surady, dep habarlaidy Dalanews.kz.
Oblys ákimi baspasóz qyzmetiniń málimetinshe, kent turǵyndaryn óńir basshysy jeke qabyldady.
Olar Asaiyn Baihanovqa Maiqaiyńdy jylýmen tolyq qamtý úshin qosymsha qýat keregin aitty.
Óńir basshysy qazir energetikalyq aýdit júrgizilip jatqanyn, onyń qorytyndysy boiynsha kentti jylýmen jabdyqtaý júiesin rekonstrýktsiialaý úshin jobalyq-smetalyq qujattama ázirlenip jatqanyn jetkizdi.
Eske salaiyq, buǵan deiin Pavlodar oblysy ákimi Asaiyn Baihanov "Pavlodar oblysynyń áleýmettik-ekonomikalyq damýy týraly" taqyrybynda ótkizilgen baspasóz konferentsiiasynda oblystaǵy reiderlik máselege qatysty suraqqa jaýap bergen edi.
"Bul máselege qatysty prokýratýraǵa saýal joldaý kerek. Bul máseleden habardarmyn. Qupiia tergeýdiń mán-jaiyn aita almaimyn. Bul - qarapaiym óndiristik baza, mundai baza óńirde 300-400-ge jýyq. Onyń eshqandai infraqurylymdyq quny joq. Ol Qamzin kóshesinde ornalasqan", - dedi ákim OKQ alańynda ótken brifingte.
Buǵan deiin Pavlodarda qylmys áleminiń serkesi ustaldan bolatyn.
Pavlodar oblysy boiynsha Ekonomikalyq tergeý departamentiniń málimetinshe, 4 qarashada Pavlodardyń iri ónerkásiptik kásiporyndarynyń birin reiderlik basyp aldy degen kúdikpen qylmys áleminiń serkesi ustaldy.
Keltirilgen shyǵyn mólsheri milliard teńgeden asady.
"Jeke jáne zańdy tulǵalardyń jyljymaly jáne jyljymaityn múlkin reiderlik basyp alýdyń ózge de faktileri anyqtalyp jatyr", - delingen habarlamada.
Qazirgi ýaqytta reiderlik jasady degen kúdikti eki aiǵa qamaýǵa alynǵan.
Artynsha qylmystyq topqa qatysy bar adamdar da ustaldy.
Qadaǵalaý organynyń bastamasy negizinde jedel izdestirý sharalarymen qylmystyq jetekshiniń basshylyǵymen qylmystyq top uzaq ýaqyt boiy qorqytyp, qujattardy burmalaý arqyly kásipkerlerdiń múlkin tartyp alýmen ainalysqanyn anyqtaldy.
