Senat tóraǵasy Máýlen Áshimbaev Reseı men Ýkraına arasyndaǵy qaqtyǵysqa baılanysty suraqqa jaýap berdi, dep habarlaıdy Dalanews.kz.

Ol bul máselede Qazaqstan halqy úshin alańdaýǵa esh negiz joq ekenin málimdedi. Aıtýynsha, osy baǵytta aýqymdy jumystar atqarylyp jatyr.

“Ózim syrtqy saıasat jáne qaýipsizdik salasynda jumys istedim, qazir Parlamentte osy máselelermen aınalysýdamyn. Qaýipsizdik deńgeıi tıisti dárejede qamtamasyz etilýde. Prezıdentimiz Qasym-Jomart Toqaev bul baǵytta úlken is-sharalardy júzege asyryp keledi. Biz halyqaralyq qatynastarda tepe-teńdikti saqtap, barlyq elmen dostyq qarym-qatynasty nyǵaıtyp otyrýymyz qajet”, – dedi Máýlen Áshimbaev.

Sonymen birge ol eldiń áskerı múmkindikterin kúsheıtýge de edáýir qarajat bólinip jatqanyn atap ótti.

“Qarý-jaraq pen tehnıkany jańartyp jatyrmyz. Bul bir kúnde sheshiletin másele emes, biraq sońǵy onjyldyqta bul baǵytta aıtarlyqtaı nátıjelerge qol jetkizdik”, — dep qosty ol.

Onyń sózinshe, ekonomıkalyq turaqtylyq ta bılik nazarynda.