سەنات تٶراعاسى مەۋلەن ەشٸمباەۆ رەسەي مەن ۋكراينا اراسىنداعى قاقتىعىسقا بايلانىستى سۇراققا جاۋاپ بەردٸ, دەپ حابارلايدى Dalanews.kz.
ول بۇل مەسەلەدە قازاقستان حالقى ٷشٸن الاڭداۋعا ەش نەگٸز جوق ەكەنٸن مەلٸمدەدٸ. ايتۋىنشا, وسى باعىتتا اۋقىمدى جۇمىستار اتقارىلىپ جاتىر.
“ٶزٸم سىرتقى ساياسات جەنە قاۋٸپسٸزدٸك سالاسىندا جۇمىس ٸستەدٸم, قازٸر پارلامەنتتە وسى مەسەلەلەرمەن اينالىسۋدامىن. قاۋٸپسٸزدٸك دەڭگەيٸ تيٸستٸ دەرەجەدە قامتاماسىز ەتٸلۋدە. پرەزيدەنتٸمٸز قاسىم-جومارت توقاەۆ بۇل باعىتتا ٷلكەن ٸس-شارالاردى جٷزەگە اسىرىپ كەلەدٸ. بٸز حالىقارالىق قاتىناستاردا تەپە-تەڭدٸكتٸ ساقتاپ, بارلىق ەلمەن دوستىق قارىم-قاتىناستى نىعايتىپ وتىرۋىمىز قاجەت”, – دەدٸ مەۋلەن ەشٸمباەۆ.
سونىمەن بٸرگە ول ەلدٸڭ ەسكەري مٷمكٸندٸكتەرٸن كٷشەيتۋگە دە ەدەۋٸر قاراجات بٶلٸنٸپ جاتقانىن اتاپ ٶتتٸ.
“قارۋ-جاراق پەن تەحنيكانى جاڭارتىپ جاتىرمىز. بۇل بٸر كٷندە شەشٸلەتٸن مەسەلە ەمەس, بٸراق سوڭعى ونجىلدىقتا بۇل باعىتتا ايتارلىقتاي نەتيجەلەرگە قول جەتكٸزدٸك”, — دەپ قوستى ول.
ونىڭ سٶزٸنشە, ەكونوميكالىق تۇراقتىلىق تا بيلٸك نازارىندا.
