– Qurmetti dostar! Sońǵy kúnderi elimizdiń birqatar óńirinde bolǵan qaıǵyly oqıǵalar saldarynan biraz azamatymyzdan aırylyp qaldyq. Soǵan baılanysty Prezıdentimiz Qasym-Jomart Kemeluly Toqaev 10 qańtardy Jalpyulttyq aza tutý kúni dep jarıalady.
Parlament Senatynyń jáne jeke ózimniń atymnan qaza tapqandardyń týǵan-týystaryna qaıǵylaryńyzǵa ortaqtasyp, kóńil aıtamyn. Zardap shekken azamattardyń tez arada saýyǵyp ketýine tilektespiz.
Memleket basshysynyń batyl ári ýaqtyly sheshimderi Qazaqstannyń beıbit jáne qalypty ómirge tez oralýyna múmkindik beredi. Osyndaı kúrdeli kezeńde biz Prezıdentimizdiń aınalasyna toptasýymyz qajet. Bul – jaǵdaıdy turaqtandyrý, ekonomıkany qalpyna keltirý jumystaryn jalǵastyrý jáne barlyq salada jańa reformalardy iske asyrý úshin mańyzdy qadam, – dedi Senat tóraǵasy.
