Shymkentte antısanıtarıalyq jaǵdaıda «MacCoffee» 3/1 daıyndaǵan zańsyz sehtyń jumysy áshkerelendi, dep habarlaıdy Dalanews.kz.
Ádilet organdary men polısıa departamenti birlesken jedel tekseristiń nátıjesinde seh jumysy toqtatyldy. Bul týraly Ádilet mınıstrligi habarlady.
Tez erıtin kofeni «S» esimdi azamat kádimgi garajda daıyndaǵan. Kúmándi sapadaǵy shıkizat daıyn qaptarmen satyp alynǵan. Anyqtalǵan orynda tez erıtin daıyn 3/1 kofeni termotigis arqyly ydysqa quıý, oraý jáne ózge bireýdiń taýar belgisin japsyrý jumystary júrgizilgen.
Atalǵan kontrafaktilik ónim qaladaǵy shaǵyn dúkender men saýda núkteleri arqyly satylǵan. Tekserý nátıjesinde quqyq buzýshydan «MacCoffee» 3/1 taýar belgisi bar 4000-nan astam orama birligi, sondaı-aq óndiris jabdyqtary (termotigis, tarazy, daıyn 3/1 kofeniń qaptamasy) tárkilendi.
Quqyq ıelenýshiniń resmı málimdemesine sáıkes, tárkilengen kontrafaktilik ónim sapa standarttaryna sáıkes kelmeıtini jáne tutynýshylardyń densaýlyǵy men ómirine tikeleı qaýip tóndirýi múmkin ekeni habarlandy. Osy iske baılanysty «S» azamatyna qatysty QR Ákimshilik quqyq buzýshylyq týraly kodeksiniń (QR ÁQBtK) 158-baby (Ózge bireýdiń taýar belgisin zańsyz paıdalaný) boıynsha ákimshilik quqyq buzýshylyq týraly is qozǵaldy. Tekserý materıaldary odan ári qaraý jáne sheshim qabyldaý úshin sotqa jiberiledi.
