شىمكەنتتە انتيسانيتاريالىق جاعدايدا «MacCoffee» 3/1 دايىنداعان زاڭسىز سەحتىڭ جۇمىسى اشكەرەلەندى، دەپ حابارلايدى Dalanews.kz.
ادىلەت ورگاندارى مەن پوليسيا دەپارتامەنتى بىرلەسكەن جەدەل تەكسەرىستىڭ ناتيجەسىندە سەح جۇمىسى توقتاتىلدى. بۇل تۋرالى ادىلەت مينيسترلىگى حابارلادى.
تەز ەريتىن كوفەنى «س» ەسىمدى ازامات كادىمگى گاراجدا دايىنداعان. كۇماندى ساپاداعى شيكىزات دايىن قاپتارمەن ساتىپ الىنعان. انىقتالعان ورىندا تەز ەريتىن دايىن 3/1 كوفەنى تەرموتىگىس ارقىلى ىدىسقا قۇيۋ، وراۋ جانە وزگە بىرەۋدىڭ تاۋار بەلگىسىن جاپسىرۋ جۇمىستارى جۇرگىزىلگەن.
اتالعان كونترافاكتىلىك ءونىم قالاداعى شاعىن دۇكەندەر مەن ساۋدا نۇكتەلەرى ارقىلى ساتىلعان. تەكسەرۋ ناتيجەسىندە قۇقىق بۇزۋشىدان «MacCoffee» 3/1 تاۋار بەلگىسى بار 4000-نان استام وراما بىرلىگى، سونداي-اق ءوندىرىس جابدىقتارى (تەرموتىگىس، تارازى، دايىن 3/1 كوفەنىڭ قاپتاماسى) تاركىلەندى.
قۇقىق يەلەنۋشىنىڭ رەسمي مالىمدەمەسىنە سايكەس، تاركىلەنگەن كونترافاكتىلىك ءونىم ساپا ستاندارتتارىنا سايكەس كەلمەيتىنى جانە تۇتىنۋشىلاردىڭ دەنساۋلىعى مەن ومىرىنە تىكەلەي ءقاۋىپ ءتوندىرۋى مۇمكىن ەكەنى حابارلاندى. وسى ىسكە بايلانىستى «س» ازاماتىنا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ (ق ر اقبتك) 158-بابى (وزگە بىرەۋدىڭ تاۋار بەلگىسىن زاڭسىز پايدالانۋ) بويىنشا اكىمشىلىك قۇقىق بۇزۋشىلىق تۋرالى ءىس قوزعالدى. تەكسەرۋ ماتەريالدارى ودان ءارى قاراۋ جانە شەشىم قابىلداۋ ءۇشىن سوتقا جىبەرىلەدى.
