Máskeýde "Transneft" vitse-prezidenti Andrei Badalov qaza tapty. Reseilik BAQ-tardaǵy málimetke sáikes, ol óz-ózine qol jumsaǵan bolýy kerek. Badalovtyń denesi onyń Rýblevkadaǵy úiiniń terezesi tusynda tas joldan tabyldy, dep habarlaidy Dalanews.kz.
Marqum kompaniiadaǵy tsifrlyq transformatsiia jáne aqparattyq tehnologiialar máselelerine jetekshilik etip kelgen.
"Transneft" magistraldyq munai qubyrlary júiesi qazaqstandyq munaidy shetelge jetkizýde sheshýshi ról atqarady.
2024 jyldyń qorytyndysy boiynsha Qazaqstan Eýropalyq Odaqqa munai tasymaly kólemi boiynsha Norvegiia men AQSh-tan keiin úshinshi orynǵa ie boldy. Sáýir aiynyń sońynda QR energetika ministri Erlan Aqkenjenov "QazMunaiGaz" 2025 jyly Qarashyǵanaq ken ornynan "Drýjba" qubyry arqyly nemistiń Shved qalasyndaǵy iri munai óńdeý zaýytyna 2,2 mln tonnaǵa deiin munai jetkizý týraly ýaǵdalastyqqa qol jetkizgenin málimdegen edi.
The Moscow Times basylymy Reseidiń Ýkrainaǵa shabýyly bastalǵaly bergi bul munai-gaz top-menedjeriniń onynshy jumbaq ólimi ekenin atap ótken. 2024 jyldyń qazan aiynda Máskeýdegi úiiniń terezesi aldynan "IýKOS EP" kompaniiasynyń Korporativtik menedjment jónindegi eks-vitse-prezidenti Mihail Rogachevtyń denesi de týra osylai tabylǵan bolatyn. Sol kezde Mash arnasy onyń onkologiialyq aýrýǵa shaldyqqanyn jazǵan. Alaida, bul málimet keiinnen marqumnyń týystary tarapynan joqqa shyǵarylǵan.
