Máskeýde ótken tanystyrylymda reseilik adam tárizdi robot Aidol tepe-teńdigin joǵaltyp, qulap tústi. Bul sáttiń videosy "Izvestiia" basylymynda jariialandy, dep habarlaidy Dalanews.kz.
Robotty "Jańa tehnologiialyq koalitsiia" kompaniiasy ázirlegen. Kadrlarda Aidol birneshe qadam jasap, qolyn bulǵap turǵany kórinedi. Biraq keiin tepe-teńdigin joǵaltady. Qulaǵan kezde robottyń syrtqy qaptamasynyń kei bólikteri zaqymdanǵan.
Kompaniia bas direktory Vladimir Vitýhinniń aitýynsha, robot ártúrli jaǵdaida synaqtan ótken, biraq qulaý jaryq jetkiliksiz bolǵandyqtan nemese tehnikalyq aqaý saldarynan bolýy múmkin.
"Munda basqa faktorlar da áser etken, sonyń ishinde jaryq jaǵdaiy sebep boldy. Múmkin, elektr kerneýinde de aýytqý bolǵan shyǵar", – dedi ol.
Vitýhinniń sózine qaraǵanda, Aidol-dyń 77 paiyzy reseilik bólshekterden jasalǵan. Robot qozǵala alady, zattarmen árekettesip, adamdarmen qarym-qatynas jasai alady. Betinde ornalasqan 19 servoqozǵaltqysh oǵan 12 negizgi emotsiiany kórsetýge múmkindik beredi.
Internetke qosylmai-aq jumys istei alatyn bul robot qyzmet kórsetý, óndiris jáne qoǵamdyq keńistikterde qoldanýǵa arnalǵan.
