ماسكەۋدە وتكەن تانىستىرىلىمدا رەسەيلىك ادام ءتارىزدى روبوت Aidol تەپە-تەڭدىگىن جوعالتىپ، قۇلاپ ءتۇستى. بۇل ءساتتىڭ ۆيدەوسى "يزۆەستيا" باسىلىمىندا جاريالاندى، دەپ حابارلايدى Dalanews.kz.

روبوتتى "جاڭا تەحنولوگيالىق كواليسيا" كومپانياسى ازىرلەگەن. كادرلاردا Aidol بىرنەشە قادام جاساپ، قولىن بۇلعاپ تۇرعانى كورىنەدى. ءبىراق كەيىن تەپە-تەڭدىگىن جوعالتادى. قۇلاعان كەزدە روبوتتىڭ سىرتقى قاپتاماسىنىڭ كەي بولىكتەرى زاقىمدانعان.

كومپانيا باس ديرەكتورى ۆلاديمير ءۆيتۋحيننىڭ ايتۋىنشا، روبوت ءارتۇرلى جاعدايدا سىناقتان وتكەن، ءبىراق قۇلاۋ جارىق جەتكىلىكسىز بولعاندىقتان نەمەسە تەحنيكالىق اقاۋ سالدارىنان بولۋى مۇمكىن.

"مۇندا باسقا فاكتورلار دا اسەر ەتكەن، سونىڭ ىشىندە جارىق جاعدايى سەبەپ بولدى. مۇمكىن، ەلەكتر كەرنەۋىندە دە اۋىتقۋ بولعان شىعار"، – دەدى ول.

ءۆيتۋحيننىڭ سوزىنە قاراعاندا، Aidol-دىڭ 77 پايىزى رەسەيلىك بولشەكتەردەن جاسالعان. روبوت قوزعالا الادى، زاتتارمەن ارەكەتتەسىپ، ادامدارمەن قارىم-قاتىناس جاساي الادى. بەتىندە ورنالاسقان 19 سەرۆوقوزعالتقىش وعان 12 نەگىزگى ەموسيانى كورسەتۋگە مۇمكىندىك بەرەدى.

ينتەرنەتكە قوسىلماي-اق جۇمىس ىستەي الاتىن بۇل روبوت قىزمەت كورسەتۋ، ءوندىرىس جانە قوعامدىق كەڭىستىكتەردە قولدانۋعا ارنالعان.