Is-shara aiasynda Máskeý týristik baǵyt retinde kórsetildi, sondai-aq Máskeýdegi DMC kompaniialardyń, ornalastyrý nysandary men qalanyń kórikti jerleriniń ókilderimen B2B túrindegi kezdesýler ótkizildi.
Is-sharany ótkizýdiń basty maqsaty – qazaqstandyq saiahatshylardyń mádeni erekshelikteri men qajettilikterin esepke ala otyryp, Máskeý boiynsha arnaiy týristik formattar qurý.
Máskeý – zamanaýi, ashyq jáne qonaqjai, demalý úshin de, iskerlik saparlar úshin de tartymdy qala. Álemdik deńgeidegi osy zamanaýi megapolistiń infraqurylymynda árbir qala turǵyny men qonaqtyń ózin
qaýipsiz ári jaily sezinýine jaǵdai jasalǵan, al 900 jylǵa jýyq tarihy men mádeni mura nysandarynyń kóptigi jyldyń kez kelgen ýaqytynda janǵa jaily demalys uiymdastyrýǵa múmkindik beredi.
Qazaqstandaǵy roýd-shoý Qazaqstan men Reseidiń týristik salasy ókilderiniń bailanystar ornatýyna jáne jańa ónimdermen tanysýyna tamasha sebep boldy. Buǵan deiin Máskeý qalasynyń Týrizm jónindegi komiteti
Belarýs jáne Ázirbaijan siiaqty TMD-nyń basqa elderinde de roýd-shoý ótkizgen bolatyn.
Máskeý – tanymal týristik baǵyt qana emes, sonymen qatar kóptegen týristik reitinginiń kóshbasshysy bolyp otyrǵan qala. 2021 jylǵy qyrkúiektegi álemdegi eń jaqsy 100 qalanyń reitingisinde Resei astanasy tórtinshi orynǵa ie boldy.
Resei astanasy Tokio, Dýbai, Singapýr, Barselona jáne Los-Andjeles siiaqty myqty básekelesterden ozyp ketti. Sondai-aq ótken jyly Máskeý mádeni murany zertteýdiń jáne qysqa saparlardyń eń jaqsy baǵyty retinde bedeldi halyqaralyq týristik World Travel Awards syilyǵynyń eki nominatsiiasyn jeńip aldy.
Máskeý qalasynyń Týrizm jónindegi komiteti – astanadaǵy týrizm máselelerine jetekshilik
etetin Máskeý Úkimetiniń qurylymyndaǵy uiym.
Jergilikti qonaqjailylyqtyń brend-menedjeri retinde Týrizm jónindegi komitet álemniń túkpir-túkpirinen týrister tartady, olarǵa qalanyń múmkindikteri men qyzyqty oryndary týraly aityp beredi, sonymen qatar
zańnamalyq, qarjylyq jáne jobalyq bastamalar arqyly astanalyq týristik bizneske qoldaý kórsetedi jáne damytady
