Bul týraly komitettiń baspasóz qyzmeti málimdedi, dep habarlaidy Dalanews.kz.
"Osy istiń sheńberinde bilikti kúshpen basyp alýǵa jáne laýazymdyq ókilettikterin asyra paidalanýǵa baǵyttalǵan is-áreketter faktileri boiynsha qosymsha sotqa deiingi tergep-tekserýler bastaldy.
Atalǵan qylmystardy jasady degen kúdikpen K. Másimovten basqa UQK Tóraǵasynyń burynǵy orynbasary – "A" arnaiy maqsattaǵy qyzmetiniń bastyǵy Ánýar Sadyqulov pen UQK Tóraǵasynyń burynǵy orynbasary Dáýlet Erǵojin ustaldy", – delingen UQK habarlamasynda.
Tergeý jalǵasýda.
Aita keteiik, 6 qańtarda Ulttyq qaýipsizdik komitetiniń burynǵy basshysy Kárim Másimov qamaýǵa alynǵan bolatyn. Qylmystyq kodekste memleketke opasyzdyq jasaý áreketi úshin 10 jyldan 15 jylǵa deiin bas bostandyǵynan aiyrý jazasy qarastyrylǵan.
