بۇل تۋرالى كوميتەتتٸڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
"وسى ٸستٸڭ شەڭبەرٸندە بيلٸكتٸ كٷشپەن باسىپ الۋعا جەنە لاۋازىمدىق ٶكٸلەتتٸكتەرٸن اسىرا پايدالانۋعا باعىتتالعان ٸس-ەرەكەتتەر فاكتٸلەرٸ بويىنشا قوسىمشا سوتقا دەيٸنگٸ تەرگەپ-تەكسەرۋلەر باستالدى.
اتالعان قىلمىستاردى جاسادى دەگەن كٷدٸكپەن ك. مەسٸموۆتەن باسقا ۇقك تٶراعاسىنىڭ بۇرىنعى ورىنباسارى – "ا" ارنايى ماقساتتاعى قىزمەتٸنٸڭ باستىعى ەنۋار سادىقۇلوۆ پەن ۇقك تٶراعاسىنىڭ بۇرىنعى ورىنباسارى دەۋلەت ەرعوجين ۇستالدى", – دەلٸنگەن ۇقك حابارلاماسىندا.
تەرگەۋ جالعاسۋدا.
ايتا كەتەيٸك, 6 قاڭتاردا ۇلتتىق قاۋٸپسٸزدٸك كوميتەتٸنٸڭ بۇرىنعى باسشىسى كەرٸم مەسٸموۆ قاماۋعا الىنعان بولاتىن. قىلمىستىق كودەكستە مەملەكەتكە وپاسىزدىق جاساۋ ەرەكەتٸ ٷشٸن 10 جىلدان 15 جىلعا دەيٸن باس بوستاندىعىنان ايىرۋ جازاسى قاراستىرىلعان.
