Qazaqstanda UQK-niń burynǵy tóraǵasy, eks-premer-ministr Karim Másimovtiń astanadaǵy záýlim úii úshinshi ret aýktsionǵa shyǵaryldy. Bul týraly qaitarylǵan aktivterdi basqaratyn ulttyq kompaniia habarlady.
Aýktsion 13 mamyr kúni saǵat 11:00-de ótpek.
Qaitarylǵan aktivterdi basqarý jónindegi kompaniia Nura aýdany Ereimentaý kóshesi, 1 mekenjaiynda ornalasqan eńseli záýlim úidi satýǵa qoiylǵan bolatyn.
Bastapqy baǵasy – 1,8 mlrd teńge, kepildik jarnasy – 118 mln teńge. 
Qyzyǵy, dál osy úidiń sýretterin 2022 jyly Ulttyq qaýipsizdik komiteti eks-tóraǵa Kárim Másimov qamaýǵa alynǵan kezde jariialaǵan edi. Tergeý barysynda onyń zańsyz iemdengen birneshe nysany anyqtalǵan, solardyń biri - eńseli kottedj.
Másimov 2022 jylǵy Qańtar oqiǵasy kezinde ustaldy. Keiin oǵan «memleketke opasyzdyq jasady», «bilikti kúshpen basyp alýǵa árekettendi» degen aýyr aiyptar taǵylyp, 2023 jylǵy sáýirde 18 jylǵa sottaldy. Ol úkimge appeliatsiialyq shaǵym túsirgenimen, sot sheshimdi ózgertpedi. Byltyr jazda «raqymshylyqqa iligemin be» degen úmiti de aqtalmai, Toqaev «murttynyń» ótinishin maqul kórmedi.
Endi Aktivterdi qaitarý mekemesi bir kezderi Másimov ómir súrgen elitalyq úidi aýktsionǵa qoiyp otyr. «Murttynyń» murasy memleketke qaitarylyp, jańa iesin tabýǵa daiyn.
Buǵan deiin satyp alýshylar bolmaǵan
Bul úi buǵan deiin eki ret 1,8 milliard teńgege satylymǵa shyǵarylǵanymen, satyp alýshylar tabylmaǵan.
Karim Másimov 2022 jyly qańtar oqiǵasynan keiin memleketke opasyzdyq jasady degen aiyppen sottalyp, 18 jylǵa bas bostandyǵynan aiyrylǵan. Onyń múlki memleketke tárkilengen.
