قازاقستاندا ۇقك-نٸڭ بۇرىنعى تٶراعاسى, ەكس-پرەمەر-مينيستر كاريم مەسٸموۆتٸڭ استاناداعى زەۋلٸم ٷيٸ ٷشٸنشٸ رەت اۋكتسيونعا شىعارىلدى. بۇل تۋرالى قايتارىلعان اكتيۆتەردٸ باسقاراتىن ۇلتتىق كومپانييا حابارلادى.
اۋكتسيون 13 مامىر كٷنٸ ساعات 11:00-دە ٶتپەك.
قايتارىلعان اكتيۆتەردٸ باسقارۋ جٶنٸندەگٸ كومپانييا نۇرا اۋدانى ەرەيمەنتاۋ كٶشەسٸ, 1 مەكەنجايىندا ورنالاسقان ەڭسەلٸ زەۋلٸم ٷيدٸ ساتۋعا قويىلعان بولاتىن.
باستاپقى باعاسى – 1,8 ملرد تەڭگە, كەپٸلدٸك جارناسى – 118 ملن تەڭگە. 
قىزىعى, دەل وسى ٷيدٸڭ سۋرەتتەرٸن 2022 جىلى ۇلتتىق قاۋٸپسٸزدٸك كوميتەتٸ ەكس-تٶراعا كەرٸم مەسٸموۆ قاماۋعا الىنعان كەزدە جارييالاعان ەدٸ. تەرگەۋ بارىسىندا ونىڭ زاڭسىز يەمدەنگەن بٸرنەشە نىسانى انىقتالعان, سولاردىڭ بٸرٸ - ەڭسەلٸ كوتتەدج.
مەسٸموۆ 2022 جىلعى قاڭتار وقيعاسى كەزٸندە ۇستالدى. كەيٸن وعان «مەملەكەتكە وپاسىزدىق جاسادى», «بيلٸكتٸ كٷشپەن باسىپ الۋعا ەرەكەتتەندٸ» دەگەن اۋىر ايىپتار تاعىلىپ, 2023 جىلعى سەۋٸردە 18 جىلعا سوتتالدى. ول ٷكٸمگە اپپەلياتسييالىق شاعىم تٷسٸرگەنٸمەن, سوت شەشٸمدٸ ٶزگەرتپەدٸ. بىلتىر جازدا «راقىمشىلىققا ٸلٸگەمٸن بە» دەگەن ٷمٸتٸ دە اقتالماي, توقاەۆ «مۇرتتىنىڭ» ٶتٸنٸشٸن ماقۇل كٶرمەدٸ.
ەندٸ اكتيۆتەردٸ قايتارۋ مەكەمەسٸ بٸر كەزدەرٸ مەسٸموۆ ٶمٸر سٷرگەن ەليتالىق ٷيدٸ اۋكتسيونعا قويىپ وتىر. «مۇرتتىنىڭ» مۇراسى مەملەكەتكە قايتارىلىپ, جاڭا يەسٸن تابۋعا دايىن.
بۇعان دەيٸن ساتىپ الۋشىلار بولماعان
بۇل ٷي بۇعان دەيٸن ەكٸ رەت 1,8 ميلليارد تەڭگەگە ساتىلىمعا شىعارىلعانىمەن, ساتىپ الۋشىلار تابىلماعان.
كاريم مەسٸموۆ 2022 جىلى قاڭتار وقيعاسىنان كەيٸن مەملەكەتكە وپاسىزدىق جاسادى دەگەن ايىپپەن سوتتالىپ, 18 جىلعا باس بوستاندىعىنان ايىرىلعان. ونىڭ مٷلكٸ مەملەكەتكە تەركٸلەنگەن.
