Gúlnar Bajykenovanyń «Otvet Bajkenovoı» kanalyna suhbat bergen Ermuhamet Ertisbaev Kárim Másimovtyń saıası bolymysyna az-kem baǵa beripti. Sonymen qatar ol «20 myń terrorıst kirdi» degen aqparatty Toqaevqa sol kezdegi UQK basshysy bergenin de aıtypty. Osy rette Nege.kz saıty Ertisbaevtyń suhbatynda aıtylǵan tushymdy oılaryn yqshamdap jarıalaýdy, – dep habarlaıdy Dalanews.kz.

Kárim Másimovtyń ne oılaǵanynyń qazir mańyzy joq. Óıtkeni, Nazarbaev bılikti tolyq ýysynan shyǵaryp aldy. Másimovtiń tutqyndalýyna kelsek, UQK – saıası barlaý. Olar elde tolqý bolatynyn bile tura «esinep» otyrdy. Eshqandaı eskertý bermedi.

Ekinshi sebebi – arandatýshylyq. Sherýge shyqqandardyń 95 paıyzy – saıası narazylar. 5 paıyzy – ádettegideı tonaýshylar, sodyrlar, terrorshylar, tikeleı klanǵa qatysy bar kúshtik qurylymdar boldy. Olardyń maqsaty – revolúsıa ıdeıasyn búldirý edi.

5 qańtardaǵy Toqaevtyń jaǵdaıy esińizde me? Oǵan «Prezıdent qyzmetin tasta» degen qatty qysym boldy. «20 myń terrorıst» degen aqparatty Toqaevqa sol kezdegi UQK basshysy bergen. Ony qorqytpaq bolǵan. «Narazylyqtyń kólemi sumdyq, bılik qulaýǵa shaq tur. Iá, astanadan ketý kerek» dep, qatty qysym kórsetildi.

Kárim Másimov – óte ıntellıgent adam. Qý, sheber «patsha saraıshysy». Jaqsy maǵynasynda aıtyp otyrmyn. 2009-2013 jyldar arasyndaǵy Ábilázovtiń suhbatyn qarap shyǵyńyzdarshy. Áblázov: «Másimov Nazarbaevtyń senimine kirip qana qoımaı, bılikke ózi kelý úshin irgetas qalaı bastaıdy» deýden tanbaı keldi. Toqaev astyrtyn sóz baılasqandar týraly da aıtyp qaldy. Bul oqıǵalar kezinde Másimov, sóz joq, sheshýli ról atqardy. Nazarbaev pen Toqaev úshin bári kútpegen jaǵdaı boldy...

Sońǵy eki jylda Másimovten bári qorqa bastady. Sheksiz bıligi boldy...