Kámeletke tolmaǵan Janbolat Aǵadildi uryp-soǵyp, óltirdi degen kúdiktiler qamaýǵa alyndy, dep málimdedi brıfıńte tergeý basqarmasynyń bastyǵy Sanjar Ádilov, dep habarlaıdy Dalanews.kz tilshisi.

- Qazirgi ýaqytta tóbeleske qatysqan úsheý, onyń ishinde adam óltirdi degen kúdikke ilingender ýaqytsha ustaý ızolátoryna qamaldy. Kúdiktilerdiń kinási jınaqtalǵan dáleldemelermen dáleldenedi, Aǵadildi uryp-soǵyp, óltirdi degen kúdiktiler asa aýyr qylmys jasaǵan dep aıyptalady. Tergeý barysy baqylaýda, nátıjeleri týraly qosymsha habarlanady, - dedi Ádilov.

10 qarashada saǵat 22.56-da 102 shuǵyl baılanys jelisine Kóktal yqshamaýdanynyń Bolashaq kóshesinde bolyp jatqan jappaı tóbeles týraly habarlama kelip túsken. Oqıǵa ornyna kelgen polısıa qyzmetkerleri jastar arasynda ózara janjal bolyp, onyń arty tóbeleske ulasqandyǵyn anyqtady. Nátıjesinde eki adam jaraqat aldy. Olardyń biri - 17 jastaǵy J.Aǵadilovke pyshaq salynǵan, ol jedel járdem kelgen kezde qaıtys boldy.