Búgin I. Jansúgirov atyndaǵy Jetisý ýniversitetindegi qabyldaý komissiiasynyń jumysymen tanysý maqsatynda Jetisý oblysy ákiminiń orynbasary Marlen Kólbaev arnaiy keldi. Jalpy, elimiz boiynsha qabyldaý komissiialary jumysyn 20 maýsymda bastaǵan. Maýsymdyq naýqannyń jumysyn tiimdi uiymdastyrý barlyq joǵary oqý oryndary úshin óte mańyzdy. Jetisý ýniversiteti – óńirdegi birden-bir oqý orny bolǵandyqtan, bul iske úlken jaýapkershilikpen qaraidy.
Ýniversitet ákimshiligi qabyldaý komissiiasynyń jumysy bastalǵan kúnnen bastap talapkerler men olardyń ata-analary úshin barlyq qolaily jaǵdaidy qarastyrdy. Ýniversitet aýlasyna arnaiy shatyrlar quryp, qosymsha oryndyqtar qoiyp, aýyz sý qondyrǵylaryn ornatty. 13 shildede memlekettik bilim berý grantyna qujattar qabyldaý bastalǵany belgili. Osy aralyqta qabyldaý komissiiasynyń jumysy kúsheitilip, barlyq resýrstar iske qosyldy. Qabyldaý komissiiasy demalyssyz jumys kestesine kóshti.
Qujat qabyldaý naýqany talapqa sai uiymdastyrylyp, barlyq úmitkerlerge joǵary deńgeide qyzmet kórsetilýde. Oblys ákiminiń orynbasary Marlen Kólbaev qabyldaý komissiiasynyń jumysymen jaqynyraq tanysyp, qujat ótkizýge kelgen talapkerler jáne olardyń ata-analarymen tildesti. Ýniversitet basshylyǵynyń talapkerler úshin jasaǵan qolaily jaǵdaiyn kórip, qyzmetkerlerge ár talapkerge izettilikpen qarap, barlyq suraqtaryna muqiiat jaýap berýdi tapsyrdy.
Ótinish bildirgen barlyq talapkerlerdiń qujaty mindetti túrde qabyldanady. Kezek talon arqyly elektrondy túrde belgilenedi. Ata-analarǵa ýaiymdap, tańnan kelip kezek alýdyń esh qajeti joq. Barlyq talapkerler qujat tapsyryp úlgeredi. Qabyldaý komissiiasynyń jumysy Basqarma tóraǵasy – rektordyń baqylaýynda.
Esterińizge sala keteiik, memlekettik bilim grantyna qujat qabyldaý 13–20 shilde aralyǵynda ótedi.
