Almaty oblysynyń ákimi Marat Sultanǵaziev Ile aýdanynyń ákimi Baǵdat Qarasaevtyń ustalǵanyna qatysty pikir bildirdi. Bul týraly oblys ákimi Dala podkast jobasynyń "Óńirler ekonomikasy" aidarynda aitty, - dep habarlaidy Dalanews.kz.
Marat Sultanǵaziev Baǵdat Qarasaev aýdan ákimi bolǵandyqtan onyń tikelei basshysy ekenin atap ótti.
"Bul jaily aqparat alardan buryn talqylaǵan bolatynbyz. Keiin quqyq qorǵaý organdaryna tekseris júrgizsin dep jiberdik. Odan keiin Preziden ákimshiligine jumystan bosatý boiynsha hat jiberdik. Ekinshiden, Qarasaevtyń qai ýaqytta qyzmettik ókilin asyra paidalanǵany mańyzdy. Eger qoqys poligony týraly aitar bolsaq, ol 2019 jyly kásipkerlerge qoldanysqa berilgen.
Baǵdat Qarasaev jumystan bosatyldy, sebebi onyń qyzmet etý merzimi bitti. Aiyp taǵylǵanǵa deiin eki jyldyq jumys merzimi aiaqtalǵan. Rotatsiiaǵa sáikes, ol saiasi qyzmetker bolǵandyqtan jumys isteý mezgili bar. Merzimi aiaqtalǵan soń ketti", deidi Sultanǵaziev.
Marat Sultanǵaziev Baǵdat Qarasaevtyń qyzmettik merzimi oǵan aiyp taǵylyp, ustalǵanǵa deiin aiaqtalǵanyn atap ótti. Oblys ákimi bul oqiǵadan keiin óziniń otstavkaǵa ketýi ne ketpeýi týraly pikir bildirdi.
"Jalpy aiyp taǵylǵannan keiin ol qyzmetker bolmady. Árine, zańǵa baǵynamyz. Eger bizdi de jumystan bosatamyz dese, saiasi qyzmetker bolǵandyqtan eshqandai mezgilge de qaramaidy", deidi Marat Sultanǵaziev.
Ol Ile aýdanyna jańa ákim retinde birneshe kandidat usynylǵanyn aitady.
"Sondyqtan onyń óziniń rásimi bar. Sodan keiin taǵaiyndalady", deidi oblys ákimi.
Eske salaiyq, Sybailas jemqorlyqqa qarsy is-qimyl agenttiginiń resmi ókili Daniiar Bekaidarov Ile aýdanynyń ákimi Baǵdat Qarasaevtyń isi jóninde tolyǵyraq aqparatty jariialaǵan bolatyn. Tergeýge ilingen ákim Qarasaev aimaqqa 204 mln teńgege zalal keltirip, basqa da laýazymdy tulǵalardy qylmystyq shemaǵa tartty degen kúdikke ilingen.
Baǵdat Qarasaev ózine affiliirlengen kompaniiasyna qatty turmystyq qaldyqtar poligonyn senimgerlik basqarý quqyǵyn berý arqyly órt qaýipsizdigi talaptaryn buza otyryp, sanitarlyq-epidemiialyq baqylaý organdarynyń ruqsatynsyz laýazymdyq ókilettikterin teris paidalandy degen kúdikke ilingen.
Sonymen qatar, ol poligondy senimgerlik basqarý merzimin zańsyz uzartý arqyly óziniń laýazymdyq ókilettigin asyra paidalandy degen kúdik boiynsha tergelip jatyr.
Bekaidarovtyń aitýynsha, qylmystyq shemaǵa Qarasaev aýdandyq qarjy jáne turǵyn úi-kommýnaldyq sharýashylyq bólimderiniń basshylaryn tartqan.
Kompaniianyń turmystyq qatty qaldyqtardy kádege jaratý boiynsha shartta kózdelgen mindettemeleri oryndalmaǵan.
– Onyń qyzmetinen túsken tabys ony jeke baiytýǵa baǵyttalǵan, – dedi Antikor ókili.
Quqyqqa qarsy is-qimyldar saldarynan Almaty oblysynyń ekologiiasyna 204 mln teńge kóleminde zalal keltirilgen. Sottyń sanktsiiasymen kúdikti qamaýǵa alynyp, sotqa deiingi tergeý jalǵasýyp jatyr.
Baǵdat Qarasaev biyl 4 qyrkúiekte ustaldy.
