"Din máselelerin zertteý ortalyǵy" memlekettik komýnaldyq mekemesi Maqtaral aýdandyq bólimi mamandary D. Amanov jáne M. Salihodjaev birlese otyryp, Birlik aýyldyq okrýginde ornalasqan "Birlik" meshiti jamaǵatymen júzdesti. Maman D. Amanov aýdanda ashylǵan ortalyq bóliminiń jumysymen tanystyryp, qurylýdaǵy maqsatyn aiqyndap berse, M. Salihodjaev:Din máselesiniń kúrdeli ekendigin jáne munda arnaiy mamandarǵa júginý tiistiligin aityp, "Din jáne jastar" taqyrybynda túsindirme jumystaryn atqardy.
Qazir óńirdegi jastardyń saiasi, bilimi saýaty joǵary. Kózi ashyq. Aqiqatty bilgisi keledi. Biraq, «dini ekstremizm, terrorizm, ýahhabizm, sáláfizm» degen sózder jii aitylýda.
Munyń bári qur adasýshylyqtan. Al, adasýshylyq dini saýatsyzdyqtan týyndaidy. Elbasymyz N.Nazarbaev jýrnalisterge bergen «Islam – beibitshilik dini» taqyrybyndaǵy suhbatynda: «Terrorizm, ekstremizm degen másele HH ǵasyr men HHI ǵasyrdyń basynda shyqty. Biraq ony islamǵa aparyp jabystyrýdyń eshqandai qisyny joq. Islam beibitshilikti qalaidy, al «islam terrorizmi» dep atalyp júrgen nárseniń dini de, ulttyq ta belgisi joq» dep atap ótken edi.
Álemdik dinderdiń ishindegi tazalyqty dáripteitin - Islam dini. Ol adamnyń abyroiy men ar-ojdanyn joǵary qoiyp, ádildik pen beibitshilikti tý etetin din.
Kezdesý sońynda ortalyqtan shyqqan arnaiy Bala tárbiesi jáne dini búlikter kitapshasy taratyldy.
