"ءدىن ماسەلەلەرىن زەرتتەۋ ورتالىعى" مەملەكەتتىك كومۋنالدىق مەكەمەسى ماقتارال اۋداندىق ءبولىمى ماماندارى د. امانوۆ جانە م. ساليحودجايەۆ بىرلەسە وتىرىپ، بىرلىك اۋىلدىق وكرۋگىندە ورنالاسقان "بىرلىك" مەشىتى جاماعاتىمەن جۇزدەستى. مامان د. امانوۆ اۋداندا اشىلعان ورتالىق ءبولىمىنىڭ جۇمىسىمەن تانىستىرىپ، قۇرىلۋداعى ماقساتىن ايقىنداپ بەرسە، م. ساليحودجايەۆ:ءدىن ماسەلەسىنىڭ كۇردەلى ەكەندىگىن جانە مۇندا ارنايى ماماندارعا جۇگىنۋ تيىستىلىگىن ايتىپ، "ءدىن جانە جاستار" تاقىرىبىندا تۇسىندىرمە جۇمىستارىن اتقاردى.
ءقازىر وڭىردەگى جاستاردىڭ ساياسي، ءبىلىمي ساۋاتى جوعارى. كوزى اشىق. اقيقاتتى بىلگىسى كەلەدى. ءبىراق، «ءدىني ەكسترەميزم، تەرروريزم، ۋاححابيزم، ءسالافيزم» دەگەن سوزدەر ءجيى ايتىلۋدا.
مۇنىڭ ءبارى قۇر اداسۋشىلىقتان. ال، اداسۋشىلىق ءدىني ساۋاتسىزدىقتان تۋىندايدى. ەلباسىمىز ن.نازاربايەۆ جۋرناليستەرگە بەرگەن «يسلام – بەيبىتشىلىك ءدىنى» تاقىرىبىنداعى سۇحباتىندا: «تەرروريزم، ەكسترەميزم دەگەن ماسەلە حح عاسىر مەن ءححى عاسىردىڭ باسىندا شىقتى. ءبىراق ونى يسلامعا اپارىپ جابىستىرۋدىڭ ەشقانداي قيسىنى جوق. يسلام بەيبىتشىلىكتى قالايدى، ال «يسلام تەرروريزمى» دەپ اتالىپ جۇرگەن نارسەنىڭ ءدىني دە، ۇلتتىق تا بەلگىسى جوق» دەپ اتاپ وتكەن ەدى.
الەمدىك دىندەردىڭ ىشىندەگى تازالىقتى دارىپتەيتىن - يسلام ءدىنى. ول ادامنىڭ ابىرويى مەن ار-وجدانىن جوعارى قويىپ، ادىلدىك پەن بەيبىتشىلىكتى تۋ ەتەتىن ءدىن.
كەزدەسۋ سوڭىندا ورتالىقتان شىققان ارنايى بالا تاربيەسى جانە ءدىني بۇلىكتەر كىتاپشاسى تاراتىلدى.
