Etnomofag óndirisin jolǵa qoiǵan kásiporyn byltyr maqta daqylynyń ziiankesterine qarsy 50 kg trihogramma, 7 mln. dana altynkóz, 9 mln. dana gabrobrakon jándikterin óndirip, sharýa qojalyqtaryna óz paidasyn tigizgen eken.
Biyl da óz kómegin aiamai, sharýalar qaýymy shyǵynǵa ushyramaýy úshin atalǵan kásiporyn aýqymdy jumys atqarǵan.
Atalǵan uiymnyń jumysymen tanysqan "Qala men Dala" tilshileri elimizdegi aq maqtany ósiretin jalǵyz óńir bolyp tabylatyn Túrkistan oblysyndaǵy bul mekemeniń atqarar róli orasan ekenine kóz jetkizip qaitty.
Aita ketelik, Túrkistan óńiriniń ákimi Janseiit Túimebaevtyń atap ótkenindei oblysta biylǵy jyly maqta daqyly 123 myń gektardan astam jerge egilse, onyń 87 myń gektarǵa jýyǵy Maqtaaral aýdanyna tiesili eken.
Ákimniń aitýynsha, biyl óńirde tuqymdyq shit tapshylyǵy sezilmegen. Máselen, Maqtaaraldyń ózinde 3 myń tonna shit daiyndalǵan. Budan bólek, aýdanǵa Qytai men Túrkiia elderinen de tuqymdyq shit tasymaldanypty.
