Sáken Qalqamanov aıtýynsha, sý tasqyny aýdan boıynsha 4 eldimekenge qaýip tóndirgen. Bul degenimiz 4624 halqy bar 868 úı sý astynda qalýy múmkin degen sóz. Alaıda, der kezinde qolǵa alynǵan sharalardyń arqasynda qaýiptiń beti qaıtqan. Tótenshe jaǵdaıǵa baılanysty 18 evokýasıalyq oryndar daıyndalyp, olar Atakent, Maqtaral, Jambyl eldimekenderinde ornalasqan.
Apattan qutqarý jumystaryna 630 adam men 2 sý kóligi jáne 56 tehnıka jumyldyrylǵan. Qazirgi tańda qaýipti aımaqtaǵy azamattar men úı janýarlaryn qaýipsiz jerge kóshirý sharalary uıymdastyrylady. Bul jumystarǵa Keles, Jetisaı, Shardara, Saryaǵash aýdandarynyń ákimshilikteri atsalysatyn bolady.
Desek te, aýdanda sý basyp qalý qaýpi bar aýyldar da joq emes. Solardyń biri – Jańaaýyl aýyldyq okrýgine qarasty Ferdoýsı eldimekeni. Qazirgi tańda aýyl ortasyndaǵy «Ferdoýsı» jalpy orta mektebiniń aýmaǵyna sý kóterilgen. Sonymen qatar, 6 úıdiń aýlasyna sý ketken. Eldimekenniń ishki kolektoryna sý tolǵan. Jeńis eldimekenine kiretin negizgi kópirdi sý shaıyp ketken. Kópirdiń uzyndyǵy 10 metr, eni 6 metrdi quraıdy. Sondaı-aq, Nurlyjol aýylyndaǵy 28 gektar maqtaly egistigin sý basqan.
Budan bólek, sý tasqyny kezinde Jańajol men Eńbekshi aýyldyq okrýgterindegi 3 eldimekende 1682 gektar aýyl sharýashylyǵy daqyldary zardap shekeni anyqtaldy. Aldyn ala boljamdyq esep boıynsha 181,1 mln. teńgeniń shyǵyny eseptelip otyr.
Atap aıtqanda, 1480 gektar maqta 148 mln. tegege, 42 gektar jońyshqa – 2,1 mln, 150 gektar baqsha – 30 mln, 10 gektar júgeri – 1 mln. teńgelik shyǵynǵa usharady dep boljanýda. Sondaı-aq, atalǵan 4 eldimekende 5335 mal basy tirkelip, onyń ishinde 799 mal basy zardap shegip, 249 mln. shyǵynǵa usharady. Onyń 328-i iri qara, 361-i usaq mal, 53-i jylqy, 57-si túıe.
Qazirgi tańda Maqtaraldan 46-y, Jetisaıdan 10, Shardaradan 5, barlyǵy 61 veterınarlyq dárigerler Jantaqsaı, Ferdoýsı eldimekenderindegi 3686 maldy evakýasıalaý jumystaryn júrgizýde.
Túrkistan oblysy Óńirlik komýnıkasıa qyzmeti
