ساكەن قالقامانوۆ ايتۋىنشا، سۋ تاسقىنى اۋدان بويىنشا 4 ەلدىمەكەنگە ءقاۋىپ توندىرگەن. بۇل دەگەنىمىز 4624 حالقى بار 868 ءۇي سۋ استىندا قالۋى مۇمكىن دەگەن ءسوز. الايدا، دەر كەزىندە قولعا الىنعان شارالاردىڭ ارقاسىندا ءقاۋىپتىڭ بەتى قايتقان. توتەنشە جاعدايعا بايلانىستى 18 ەۆوكۋاسيالىق ورىندار دايىندالىپ، ولار اتاكەنت، ماقتارال، جامبىل ەلدىمەكەندەرىندە ورنالاسقان.
اپاتتان قۇتقارۋ جۇمىستارىنا 630 ادام مەن 2 سۋ كولىگى جانە 56 تەحنيكا جۇمىلدىرىلعان. قازىرگى تاڭدا ءقاۋىپتى ايماقتاعى ازاماتتار مەن ءۇي جانۋارلارىن ءقاۋىپسىز جەرگە كوشىرۋ شارالارى ۇيىمداستىرىلادى. بۇل جۇمىستارعا كەلەس، جەتىساي، شاردارا، سارىاعاش اۋداندارىنىڭ اكىمشىلىكتەرى اتسالىساتىن بولادى.
دەسەك تە، اۋداندا سۋ باسىپ قالۋ ءقاۋپى بار اۋىلدار دا جوق ەمەس. سولاردىڭ ءبىرى – جاڭااۋىل اۋىلدىق وكرۋگىنە قاراستى فەردوۋسي ەلدىمەكەنى. قازىرگى تاڭدا اۋىل ورتاسىنداعى «فەردوۋسي» جالپى ورتا مەكتەبىنىڭ اۋماعىنا سۋ كوتەرىلگەن. سونىمەن قاتار، 6 ءۇيدىڭ اۋلاسىنا سۋ كەتكەن. ەلدىمەكەننىڭ ىشكى كوللەكتورىنا سۋ تولعان. جەڭىس ەلدىمەكەنىنە كىرەتىن نەگىزگى كوپىردى سۋ شايىپ كەتكەن. كوپىردىڭ ۇزىندىعى 10 مەتر، ەنى 6 مەتردى قۇرايدى. سونداي-اق، نۇرلىجول اۋىلىنداعى 28 گەكتار ماقتالى ەگىستىگىن سۋ باسقان.
بۇدان بولەك، سۋ تاسقىنى كەزىندە جاڭاجول مەن ەڭبەكشى اۋىلدىق وكرۋگتەرىندەگى 3 ەلدىمەكەندە 1682 گەكتار اۋىل شارۋاشىلىعى داقىلدارى زارداپ شەكەنى انىقتالدى. الدىن الا بولجامدىق ەسەپ بويىنشا 181،1 ملن. تەڭگەنىڭ شىعىنى ەسەپتەلىپ وتىر.
اتاپ ايتقاندا، 1480 گەكتار ماقتا 148 ملن. تەگەگە، 42 گەكتار جوڭىشقا – 2،1 ملن، 150 گەكتار باقشا – 30 ملن، 10 گەكتار جۇگەرى – 1 ملن. تەڭگەلىك شىعىنعا ۇشارادى دەپ بولجانۋدا. سونداي-اق، اتالعان 4 ەلدىمەكەندە 5335 مال باسى تىركەلىپ، ونىڭ ىشىندە 799 مال باسى زارداپ شەگىپ، 249 ملن. شىعىنعا ۇشارادى. ونىڭ 328ء-ى ءىرى قارا، 361ء-ى ۇساق مال، 53ء-ى جىلقى، 57ء-سى تۇيە.
قازىرگى تاڭدا ماقتارالدان 46-ى، جەتىسايدان 10، شاردارادان 5، بارلىعى 61 ۆەتەرينارلىق دارىگەرلەر جانتاقساي، فەردوۋسي ەلدىمەكەندەرىندەگى 3686 مالدى ەۆاكۋاسيالاۋ جۇمىستارىن جۇرگىزۋدە.
تۇركىستان وبلىسى وڭىرلىك كوممۋنيكاسيا قىزمەتى
