Aýdan basshysynyń aitýynsha, biyl aýdandaǵy ónerkásip ónimin 13666,4 million teńgege jetkizý mejelenip otyr. Ol úshin "Indýstriialdy-innovatsiialyq damý baǵdarlamasy" sheńberinde investitsiia tarta otyryp, jalpy quny 3537 million teńgeni quraityn 6 investitsiialyq jobany iske asyrý josparlanǵan. Atap aitqanda, biyl aýdanda asfalt-beton zaýyty, polietilen ónimderiniń jáne meditsinalyq maqta ónimderiniń óndirisi, sondai-aq temirdi qaita óńdeý óndirisi men logistikalyq ortalyq jáne kún elektr stansasynyń jobalary iske asatyn bolady.
– Qazirgi tańda aýdannyń indýstrialdy aimaǵynan jer bólinip, qurylysy bastalǵan "Soldatos" JShS-nyń asfalt-beton zaýytyn salýǵa 300 mln. teńge jumsalmaq. Joba boiynsha 30 adam jumyspen qamtylyp, saǵatyna 300 tonna asfalt-beton ónimderi óndiriletin bolady. Sondai-aq, "Radjapov" jeke kásipkerliginiń "Polietilen ónimderiniń óndirisi" jobasynyń qurylysy aǵymdaǵy jyldyń maýsym aiynda bastalady dep kútilýde. Jobanyń qurylysyna 200 million teńge jumsalyp, jańadan 36 jumys orny ashylady, – dedi Jamantai Qanaiuly.
Oblys boiynsha maqta shikizatynyń 80 paiyzy Maqtaral aýdanyna tiesili bolǵanymen, óńirde shikizatty ári qarai daiyn ónimge ainaldyratyn kásiporyndar tapshy. Osy maqsatty "Aibek" sharýa qojalyǵy meditsinalyq maqta ónimderiniń óndirisi jobasyn qolǵa alǵan. Indýstrialdy aimaqtan jer bólinip, qurylysy bastalǵan jobaǵa 85 million teńge qarjy jumsalmaq. Kásiporyn 28 adamdy jumyspen qamtyp, jylyna 2 million dana meditsinalyq maqta ónimderin óndiretin bolady.
Aǵymdaǵy jyly iske qosylatyn 6 investitsiialyq jobanyń jáne basqada jumys istep turǵan kásiporyndardyń esebinen jyl aiaǵyna deiin aýdandaǵy ónerkásip ónim kólemi 13,7 mlrd. teńgege jetkizý josparlanǵan.
https://dalanews.kz/35635
