اۋدان باسشىسىنىڭ ايتۋىنشا، بيىل اۋدانداعى ونەركاسىپ ءونىمىن 13666،4 ميلليون تەڭگەگە جەتكىزۋ مەجەلەنىپ وتىر. ول ءۇشىن "يندۋستريالدى-يننوۆاسيالىق دامۋ باعدارلاماسى" شەڭبەرىندە ينۆەستيسيا تارتا وتىرىپ، جالپى قۇنى 3537 ميلليون تەڭگەنى قۇرايتىن 6 ينۆەستيسيالىق جوبانى ىسكە اسىرۋ جوسپارلانعان. اتاپ ايتقاندا، بيىل اۋداندا اسفالت-بەتون زاۋىتى، پوليەتيلەن ونىمدەرىنىڭ جانە مەديسينالىق ماقتا ونىمدەرىنىڭ ءوندىرىسى، سونداي-اق تەمىردى قايتا وڭدەۋ ءوندىرىسى مەن لوگيستيكالىق ورتالىق جانە كۇن ەلەكتر ستانساسىنىڭ جوبالارى ىسكە اساتىن بولادى.
– قازىرگى تاڭدا اۋداننىڭ يندۋستريالدى ايماعىنان جەر ءبولىنىپ، قۇرىلىسى باستالعان "Soldatos" جشس-نىڭ اسفالت-بەتون زاۋىتىن سالۋعا 300 ملن. تەڭگە جۇمسالماق. جوبا بويىنشا 30 ادام جۇمىسپەن قامتىلىپ، ساعاتىنا 300 توننا اسفالت-بەتون ونىمدەرى وندىرىلەتىن بولادى. سونداي-اق، "رادجاپوۆ" جەكە كاسىپكەرلىگىنىڭ "پوليەتيلەن ونىمدەرىنىڭ ءوندىرىسى" جوباسىنىڭ قۇرىلىسى اعىمداعى جىلدىڭ ماۋسىم ايىندا باستالادى دەپ كۇتىلۋدە. جوبانىڭ قۇرىلىسىنا 200 ميلليون تەڭگە جۇمسالىپ، جاڭادان 36 جۇمىس ورنى اشىلادى، – دەدى جامانتاي قاناي ۇلى.
وبلىس بويىنشا ماقتا شيكىزاتىنىڭ 80 پايىزى ماقتارال اۋدانىنا تيەسىلى بولعانىمەن، وڭىردە شيكىزاتتى ءارى قاراي دايىن ونىمگە اينالدىراتىن كاسىپورىندار تاپشى. وسى ماقساتتى "ايبەك" شارۋا قوجالىعى مەديسينالىق ماقتا ونىمدەرىنىڭ ءوندىرىسى جوباسىن قولعا العان. يندۋستريالدى ايماقتان جەر ءبولىنىپ، قۇرىلىسى باستالعان جوباعا 85 ميلليون تەڭگە قارجى جۇمسالماق. كاسىپورىن 28 ادامدى جۇمىسپەن قامتىپ، جىلىنا 2 ميلليون دانا مەديسينالىق ماقتا ونىمدەرىن وندىرەتىن بولادى.
اعىمداعى جىلى ىسكە قوسىلاتىن 6 ينۆەستيسيالىق جوبانىڭ جانە باسقادا جۇمىس ىستەپ تۇرعان كاسىپورىنداردىڭ ەسەبىنەن جىل اياعىنا دەيىن اۋدانداعى ونەركاسىپ ءونىم كولەمى 13،7 ملرد. تەڭگەگە جەتكىزۋ جوسپارلانعان.
https://dalanews.kz/35635
