Maqtanyń baǵasy anyqtalyp, eń alǵashqy bolyp "Myrzakent" maqta zaýyty aq altynyń tonnasyn 170 myń teńgeden belgiledi. Básekelestik ortada maqtanyń baǵasy 200 myń teńgege deiin kóteriledi degen boljam bar.
Búginde aýdandaǵy maqta qabyldaý beketterine 5 myń tonnadan astam aq altyn kelip túsken bolsa, diqandar terim bitkenshe 80 myń tonna aq ulpa jinap alýdy kózdep otyr. Ol úshin 145 terimshiler brigadasy, 10-nan asa kombain maqta terý naýqanyna jumyldyrylǵan.
Maqtanyń tezirek ashylýy úshin aýdanda qazirdiń ózinde 25 myń gektardan astam maqtalyq alqapqa defolatsiia sharalary jasalǵan. «Drob pliýs», «Avgýron ekstra», «Kotton», «Reglon-sýper» himikattarynyń maqta japyraǵyn túsirýdge tiimdi áseri baiqalýda.
Aýdanda maqta óndiretin 5 zaýyt jáne maqta qabyldaityn 69 beket qyzmet kórsetýde. Zaýyttardyń ishinde TMD-da teńdesi joq sanalatyn «Myrzakent» maqta óńdeý zaýyty 120 adamdy turaqty jumys ornymen qamtyp otyr. Jalpy quny 1 milliard teńgeni quraityn óndiris oshaǵynyń joǵary tehnologiialyq qural-jabdyqtary AQSh-tyń «Liýmýs Korporaishn» kompaniiasynan satyp alynyp, montajdalǵan.
Óndiristik quattylyǵy 60 myń tonnany quraidy. Qoldanystaǵy maqta zaýyttarymen salystyrǵanda bul óndiristiń eńbek ónimdiligi 30 paiyzǵa joǵary. Atap aitqanda, talshyqtyń shyǵýy 30 paiyzǵa artyq ári sapasy joǵary, elektr qýatynyń shyǵyny 25-30 paiyzǵa únemdeledi jáne maqtany óńdeý merzimi 30 paiyzǵa qysqarǵan.
Zaýyt mamandarynyń aitýynsha, biyl maqtanyń túsimi, talshyǵynyń uzyndyǵy, shitiniń sapasy oidaǵydai. Biraq zerthana tekserýi kezinde maqtanyń lastyǵy mólsherden kóbeiip ketýde. Sebebi, terimshiler qaýashaq, kók japyraq, shóp-shalamdy aralastyryp teredi. Sol úshin zaýyt basshylary maqtashylardy taza ónim jinaýǵa shaqyrýda.
Maqtaaral aýdany ákiminiń baspasóz qyzmeti
