Maqtany óńdeý isimen ainalysatyn kásiporyn tósek jabdyqtaryn shyǵara bastady
Búginde atalǵan qojalyqtyń tsehynda 10-ǵa jýyq qondyrǵy jumys istep tur. Onda 16 adam turaqty jumyspen qamtylǵan. Kásiporynnyń jyldyq tabysy shamamen 13-14 mln teńgeni quraidy. Maqtany tereń óńdeýge asa mán bergen shaǵyn kásiporyn 3-4 jyldan beri tósek jabdyqtaryn da daiarlaý isimen ainalysyp keledi.
– Qazirgi tańda biz maqtanyń 3-4-shi terimderiniń bir kelisin 120-130 teńgeden qabyldap jatyrmyz. Máselen 3 tonna nashar maqtadan 1 tonnaǵa jýyq talshyq shyǵarýǵa bolady. 1 tonna taza talshyqtyń quny – 370 teńge. Sondai-aq, odan 1 tonna 600 keli shit alamyz. Budan bólek, 160 keli qara mai syǵyndysy men malǵa jem iaǵni shrot shyǵarýǵa bolady. Bir tonna shrottyń quny qara bazarda 80 myń teńgeni quraidy. Maqtany qaita óńdeýdiń paidasy qarapaiym tilmen aitqanda osyndaiú Jylyna orta eseppen 400 tonnaǵa jýyq maqtany qaita óńdeýden ótkizemiz, – deidi «Aibek» sharýa qojalyǵynyń tóraǵasy Lesbek Kenjebekov.
Atalǵan qojalyqtyń ónimderine suranys kóp. Negizgi óndirilgen ónim turleri jaqyn shetelder men ishki naryqta saýdalanady. Qojalyq ieliginde 29 gektar egistik jer bar. Onyń 4 gektaryna júzim egilse, qalǵanyna jylda «aq altyn» dáni sebiledi. Qaita óńdeýge qajetti negizgi shikizat – maqtanyń basym bóligi jergilikti sharýalardan satyp alynady.
Jetisai aýdany ákiminiń baspasóz qyzmeti
