بۇگىندە اتالعان قوجالىقتىڭ سەحىندا 10-عا جۋىق قوندىرعى جۇمىس ىستەپ تۇر. وندا 16 ادام تۇراقتى جۇمىسپەن قامتىلعان. كاسىپورىننىڭ جىلدىق تابىسى شامامەن 13-14 ملن تەڭگەنى قۇرايدى. ماقتانى تەرەڭ وڭدەۋگە اسا ءمان بەرگەن شاعىن كاسىپورىن 3-4 جىلدان بەرى توسەك جابدىقتارىن دا دايارلاۋ ىسىمەن اينالىسىپ كەلەدى.
– قازىرگى تاڭدا ءبىز ماقتانىڭ 3-4ء-شى تەرىمدەرىنىڭ ءبىر كەلىسىن 120-130 تەڭگەدەن قابىلداپ جاتىرمىز. ماسەلەن 3 توننا ناشار ماقتادان 1 تونناعا جۋىق تالشىق شىعارۋعا بولادى. 1 توننا تازا تالشىقتىڭ قۇنى – 370 تەڭگە. سونداي-اق، ودان 1 توننا 600 كەلى شيت الامىز. بۇدان بولەك، 160 كەلى قارا ماي سىعىندىسى مەن مالعا جەم ياعني شروت شىعارۋعا بولادى. ءبىر توننا شروتتىڭ قۇنى قارا بازاردا 80 مىڭ تەڭگەنى قۇرايدى. ماقتانى قايتا وڭدەۋدىڭ پايداسى قاراپايىم تىلمەن ايتقاندا ءوسىندايۇ جىلىنا ورتا ەسەپپەن 400 تونناعا جۋىق ماقتانى قايتا وڭدەۋدەن وتكىزەمىز، – دەيدى «ايبەك» شارۋا قوجالىعىنىڭ ءتوراعاسى لەسبەك كەنجەبەكوۆ.
اتالعان قوجالىقتىڭ ونىمدەرىنە سۇرانىس كوپ. نەگىزگى وندىرىلگەن ءونىم تۇرلەرى جاقىن شەتەلدەر مەن ىشكى نارىقتا ساۋدالانادى. قوجالىق يەلىگىندە 29 گەكتار ەگىستىك جەر بار. ونىڭ 4 گەكتارىنا ءجۇزىم ەگىلسە، قالعانىنا جىلدا «اق التىن» ءدانى سەبىلەدى. قايتا وڭدەۋگە قاجەتتى نەگىزگى شيكىزات – ماقتانىڭ باسىم بولىگى جەرگىلىكتى شارۋالاردان ساتىپ الىنادى.
جەتىساي اۋدانى اكىمىنىڭ باسپا ءسوز قىزمەتى
