Maqtaaraldyq kásipker aýrýhanaǵa tynys alý apparattaryn alyp berdi
Elimizdegi Tótenshe jaǵdai kezeńinde Maqtaaral aýdanynyń kásipkerleri belsendilik tanytyp, el úshin kóptegen igi isterdi atqarýda. Búgin jergilikti kásipker, "Astana Stroi-Proekt" jaýapkershiligi shekteýli seriktestiginiń direktory Daniiar Atashov aýdandyq "Myrzakent" aýrýhanasyna jedel meditsinalyq qyzmet kórsetýge arnalǵan 2 jasandy tynys alý apparatyn alyp berdi.
Ottegi kontsetratory, ottegi maskasy, muryn kanýlasynan turatyn meditsinalyq apparattar koronavirýs indetine shaldyqqan naýqas balalardy emdeýde taptyrmaityn quraldardyń biri.
Aýdan ákiminiń orynbasary Beisenbai Tórebekov pen aýdandyq "Myrzakent" aýrýhanasynyń bas dárigeri Berik Esimhanov qural-jabdyqtardy aýrýhanaǵa jetkizip bergen kásipkerdiń ulyna alǵystaryn bildirip, osyndai qiyn kezeńde halqyna súienish bola bilgen kásipker naǵyz "búgingi kúnniń batyry" ekenin atap ótti.
– Koronavirýs infektsiiasy asqynǵan jaǵdaida adamnyń ókpesindegi tynys alý joldaryn zaqymdaidy. Naýqasqa ottegi jetispei qinalady. Mine, osyndai jaǵdaida tynys alý apparatynyń mańyzy zor. Dúniejúzilik densaýlyq saqtaý uiymynyń málimetinshe, jasandy tynys alý apparattarynyń jetispeýshiliginen kóptegen elderde koronavirýs indetinen qaitys bolýshylardyń sany artýda, – dedi "Myrzakent" aýrýhanasynyń bas dárigeri Berik Naǵashbekuly.
Aita keteiik, búgingi tańda Maqtaaral aýdanynda koronavirýsqa shaldyqqan 4 naýqas tirkelgen. Aýrýhanalar men ovservatsiialyq ortalyqta 56 adam karantinge alynǵan. Sondai-aq, 120 adam úi karantininde jatyr.
Maqtaaral aýdany ákiminiń baspasóz qyzmeti
