Ottegi konsetratory, ottegi maskasy, muryn kanýlasynan turatyn medısınalyq apparattar koronavırýs indetine shaldyqqan naýqas balalardy emdeýde taptyrmaıtyn quraldardyń biri.
Aýdan ákiminiń orynbasary Beısenbaı Tórebekov pen aýdandyq "Myrzakent" aýrýhanasynyń bas dárigeri Berik Esimhanov qural-jabdyqtardy aýrýhanaǵa jetkizip bergen kásipkerdiń ulyna alǵystaryn bildirip, osyndaı qıyn kezeńde halqyna súıenish bola bilgen kásipker naǵyz "búgingi kúnniń batyry" ekenin atap ótti.
– Koronavırýs ınfeksıasy asqynǵan jaǵdaıda adamnyń ókpesindegi tynys alý joldaryn zaqymdaıdy. Naýqasqa ottegi jetispeı qınalady. Mine, osyndaı jaǵdaıda tynys alý apparatynyń mańyzy zor. Dúnıejúzilik densaýlyq saqtaý uıymynyń málimetinshe, jasandy tynys alý apparattarynyń jetispeýshiliginen kóptegen elderde koronavırýs indetinen qaıtys bolýshylardyń sany artýda, – dedi "Myrzakent" aýrýhanasynyń bas dárigeri Berik Naǵashbekuly.
Aıta keteıik, búgingi tańda Maqtaaral aýdanynda koronavırýsqa shaldyqqan 4 naýqas tirkelgen. Aýrýhanalar men ovservasıalyq ortalyqta 56 adam karantınge alynǵan. Sondaı-aq, 120 adam úı karantıninde jatyr.
Maqtaaral aýdany ákiminiń baspasóz qyzmeti
