وتتەگى كونسەتراتورى، وتتەگى ماسكاسى، مۇرىن كانۋلاسىنان تۇراتىن مەديسينالىق اپپاراتتار كوروناۆيرۋس ىندەتىنە شالدىققان ناۋقاس بالالاردى ەمدەۋدە تاپتىرمايتىن قۇرالداردىڭ ءبىرى.
اۋدان اكىمىنىڭ ورىنباسارى بەيسەنباي تورەبەكوۆ پەن اۋداندىق "مىرزاكەنت" اۋرۋحاناسىنىڭ باس دارىگەرى بەرىك ەسىمحانوۆ قۇرال-جابدىقتاردى اۋرۋحاناعا جەتكىزىپ بەرگەن كاسىپكەردىڭ ۇلىنا العىستارىن ءبىلدىرىپ، وسىنداي قيىن كەزەڭدە حالقىنا سۇيەنىش بولا بىلگەن كاسىپكەر ناعىز "بۇگىنگى كۇننىڭ باتىرى" ەكەنىن اتاپ ءوتتى.
– كوروناۆيرۋس ينفەكسياسى اسقىنعان جاعدايدا ادامنىڭ وكپەسىندەگى تىنىس الۋ جولدارىن زاقىمدايدى. ناۋقاسقا وتتەگى جەتىسپەي قينالادى. مىنە، وسىنداي جاعدايدا تىنىس الۋ اپپاراتىنىڭ ماڭىزى زور. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، جاساندى تىنىس الۋ اپپاراتتارىنىڭ جەتىسپەۋشىلىگىنەن كوپتەگەن ەلدەردە كوروناۆيرۋس ىندەتىنەن قايتىس بولۋشىلاردىڭ سانى ارتۋدا، – دەدى "مىرزاكەنت" اۋرۋحاناسىنىڭ باس دارىگەرى بەرىك ناعاشبەك ۇلى.
ايتا كەتەيىك، بۇگىنگى تاڭدا ماقتاارال اۋدانىندا كوروناۆيرۋسقا شالدىققان 4 ناۋقاس تىركەلگەن. اۋرۋحانالار مەن وۆسەرۆاسيالىق ورتالىقتا 56 ادام كارانتينگە الىنعان. سونداي-اق، 120 ادام ءۇي كارانتينىندە جاتىر.
ماقتاارال اۋدانى اكىمىنىڭ باسپا ءسوز قىزمەتى
