Ol úshin aýdan ákimdigi tarapynan barlyq kómekter kórsetilgen. Bul týraly birneshe sharýa qojalyǵynyń tynys-tirshiligimen tanysqan Maqtaaral aýdanynyń ákimi Baqyt Asanov málim etti.
Aýdan basshysy aldymen "Tahirjan" sharýa qojalyǵyna baryp, biylǵy baklajan ónimderin jinaý naýqanynyń barysy qalai júrgizilgenin surap bildi. Sharýa qojalyqtyń tóraǵasy Arystan Saparov biyl 1 gektarǵa baklajan, 1 gektarǵa júgeri, 9 gektar jerge maqta egipti. Byltyr 1 gektardan 27 tonna baklajan ónimin alǵan sharýa biyl da bul daqyldan joǵary ónim alǵan. Atalǵan qojalyq baklajannyń 1 kelisin deldaldarǵa 300 teńgeden satyp jatyr eken.
«Baklajan - kúndelikti turmysqa óte qajetti ónimderdiń biri. Quramynda dárýmender óte kóp. Mine, eginshilikti ártaraptandyrýdyń arqasynda diqandarymyz buryn sońdy ekpegen kókónistiń osyndai túrlerine bet bura bastady. Diqandarymyz osylaisha otandyq naryqpen qatar, Reseige baklajan ónimderin eksporttaýda " - dedi Baqyt Asanov.
Munan soń aýdan ákimi "Israil" sharýa qojalyǵynyń jumys barysymen tanysty. Qojalyqtyń tóraǵasy Altynbek Toraev biyl 0,5 gektar jerge bolgar buryshyn egip, alǵashqy ónimderin eksportqa shyǵara bastapty. Bolgar buryshynyń kelisin 400 teńgeden satyp jatyr eken. Sondai-aq, ol biyl qiiar men qyzanaq egip, olardan da joǵary ónim alǵan.
Aita keteiik, byltyr maqtaraldyq sharýalar 3877 gektar jerge kókónis daqyldaryn egip, 89689 tonna ónim alǵan bolatyn. Al biylǵy kórsetkish munan da joǵary bolady degen senim bar.
