Maqtaaralda Tuńǵysh Prezident kúnine orai 7 myńnan asa kóshet otyrǵyzyldy
«Tarihi qalpyna kelgen Maqtaaral aýdanyn abattandyrýdy qolǵa alǵanymyzǵa birshama ýaqyt boldy. Mine, búgin aýdan kóleminde aǵash kóshetterin otyrǵyzyp, kógaldandyrý jumystaryn bastap kettik. Qorshaǵan ortaǵa degen janashyrlyq ár adamnyń júreginde bolýy tiis. Tap osyndai bastamamen aýdan ortalyǵy Myrzakent kentine kireberistegi respýblikalyq mańyzy bar joldyń boiyna 1700 aǵash kóshetin otyrǵyzdyq. Sondai-aq, mundai kógaldandyrý jumystary aýdanymyzǵa qarasty 2 kent pen 9 aýyldyq okrýgtiń barlyǵynda júrip jatyr» - dedi Baqyt Násirhanuly.
Jalpy kógaldandyrý is-sharasynda kentter men aýlydyq okrýg ákimdikteri óz aýmaqtaryna qarasty úlken tas joldardyń boilaryna, al mektepter men mádeniet úileriniń ujymdary mekeme aýlalaryna aǵash túpterin otyrǵyzdy. Negizinen, qara tal, jide, jabaiy órik, shyrsha kóshetteri egildi.
Aýdan ákimi B.Asanov kentter men aýyldyq okrýgterdi aralap kórip, kóshetterdiń durys egilýin qadaǵalady. Sondai-aq, tiisti mekeme basshylaryna egilgen aǵashtardyń jaiqalyp ósýi úshin qolaily jaǵdai jasaý kerektigin aitty.
