«تاريحي قالپىنا كەلگەن ماقتاارال اۋدانىن اباتتاندىرۋدى قولعا العانىمىزعا ءبىرشاما ۋاقىت بولدى. مىنە، بۇگىن اۋدان كولەمىندە اعاش كوشەتتەرىن وتىرعىزىپ، كوگالداندىرۋ جۇمىستارىن باستاپ كەتتىك. قورشاعان ورتاعا دەگەن جاناشىرلىق ءار ادامنىڭ جۇرەگىندە بولۋى ءتيىس. تاپ وسىنداي باستامامەن اۋدان ورتالىعى مىرزاكەنت كەنتىنە كىرەبەرىستەگى رەسپۋبليكالىق ماڭىزى بار جولدىڭ بويىنا 1700 اعاش كوشەتىن وتىرعىزدىق. سونداي-اق، مۇنداي كوگالداندىرۋ جۇمىستارى اۋدانىمىزعا قاراستى 2 كەنت پەن 9 اۋىلدىق وكرۋگتىڭ بارلىعىندا ءجۇرىپ جاتىر» - دەدى باقىت ءناسىرحان ۇلى.
جالپى كوگالداندىرۋ ءىس-شاراسىندا كەنتتەر مەن اۋلىدىق وكرۋگ اكىمدىكتەرى ءوز اۋماقتارىنا قاراستى ۇلكەن تاس جولداردىڭ بويلارىنا، ال مەكتەپتەر مەن مادەنيەت ۇيلەرىنىڭ ۇجىمدارى مەكەمە اۋلالارىنا اعاش تۇپتەرىن وتىرعىزدى. نەگىزىنەن، قارا تال، جيدە، جابايى ورىك، شىرشا كوشەتتەرى ەگىلدى.
اۋدان اكىمى ب.اسانوۆ كەنتتەر مەن اۋىلدىق وكرۋگتەردى ارالاپ كورىپ، كوشەتتەردىڭ دۇرىس ەگىلۋىن قاداعالادى. سونداي-اق، ءتيىستى مەكەمە باسشىلارىنا ەگىلگەن اعاشتاردىڭ جايقالىپ ءوسۋى ءۇشىن قولايلى جاعداي جاساۋ كەرەكتىگىن ايتتى.
