Jańajol jáne Azattyq eldi mekenderiniń aýyz sý júielerin qaita qurý jumystary 2024 jylǵa ótpeli. Jalpy 2023 jylǵa aýdandyq biýdjetten 95 mln. teńge bólinip, 9 eldi mekenniń aýyz sý júielerine aǵymdaǵy jóndeý jumystary júrgizilýde.
BAQ ókilderi keiin Maqtaaral aýyldyq okrýgine qarasty Qazaq KSR-niń 40 jyldyǵy aýylynda bolyp, jańadan salynyp jatqan maqta talshyǵyn óńdeitin zaýyttyń qurylysymen tanysty.
2023 jyldyń shilde aiynda aýdan ákimi Baqyt Asanov aýdan aýmaǵynda zaýyt-fabrikalar ashý boiynsha oblystyq delegatsiiamen Qytaiǵa jáne kórshiles Ózbekstanǵa baryp kelgen bolatyn. Maqtaaraldyq jeke kásipker Qabyl Boev jalpy quny 3 mlrd teńgeni quraityn maqta óńdeitin zaýyt qurylysyn bastaǵan.
“Cotton-Maqta” JShS-ń óndiris orny biyl iske qosylmaq. Zaýyttyń jyldyq qýattylyǵy – 60 myń tonna, táýligine 600 tonna maqta talshyǵyn óńdeidi. Kásiporyn iske qosylǵan kezde 50 turaqty jumys orny ashylmaq.
Munan soń jýrnalister Birlik aýyldyq okrýgine qarasty Órkeniet aýylynda ornalasqan 200 oryndyq jańa mekteptiń qurylysymen tanysty.
Biyl jyldyń sońyna deiin paidalanýǵa berý josparlanýda. Jalpy aýdanda 2018-2023 jyldar aralyǵynda 17 memlekettik mekteptiń jańa ǵimaraty salynyp, paidalanýǵa berilgen.
Biyl Erkinabad, Azamat, Órkeniet jáne Nurlyjol eldi mekenderinen 200 oryndyq 4 mekteptiń qurylysy júrgizilip jatyr. Sonymen qatar, «Jaily mektep» pilottyq ulttyq jobasymen jańadan taǵy 5 mekteptiń qurylysy josparlanyp, 2 mekteptiń qurylys jumystary bastalyp ketken.
Keiin jýrnalister Iirjar aýyldyq okrýgi Azamat aýylyndaǵy «Nurmaǵanbet» sharýa qojalyǵyna bardy. Biyl qojalyqtyń iesi 7,5 gektar jerge maqta egip, búginde ónim jinap jatyr. Jalpy biyl maqtaaraldyq sharýalar 36 myń gektardan asa jerge maqta ekken.
Búginde 3 myńnan asa egistik alqaptan 7,7 myń tonna maqta jinaldy.
Sonymen qatar, jýrnalister aýdan ortalyǵy Myrzakent kentinde paidalanýǵa berilgen eki qabattan turatyn sport saraiyn aralap shyqty. Jańa sport saraiy eki qabattan turady. Ǵimaratta eki úlken sport zaly, jattyǵý zaly men sabaq ótýge arnalǵan bólmeler bar. Sondai-aq, sport zalda gandbol, basketbol, voleibol, kúres, boks, gimnastika, aýyr atletika, jeńil atletikamen ainalysýǵa barlyq jaǵdai qarastyrylǵan.
