جاڭاجول جانە ازاتتىق ەلدى مەكەندەرىنىڭ اۋىز سۋ جۇيەلەرىن قايتا قۇرۋ جۇمىستارى 2024 جىلعا وتپەلى. جالپى 2023 جىلعا اۋداندىق بيۋدجەتتەن 95 ملن. تەڭگە ءبولىنىپ، 9 ەلدى مەكەننىڭ اۋىز سۋ جۇيەلەرىنە اعىمداعى جوندەۋ جۇمىستارى جۇرگىزىلۋدە.
ب ا ق وكىلدەرى كەيىن ماقتاارال اۋىلدىق وكرۋگىنە قاراستى قازاق كسر-نىڭ 40 جىلدىعى اۋىلىندا بولىپ، جاڭادان سالىنىپ جاتقان ماقتا تالشىعىن وڭدەيتىن زاۋىتتىڭ قۇرىلىسىمەن تانىستى.
2023 جىلدىڭ شىلدە ايىندا اۋدان اكىمى باقىت اسانوۆ اۋدان اۋماعىندا زاۋىت-فابريكالار اشۋ بويىنشا وبلىستىق دەلەگاسيامەن قىتايعا جانە كورشىلەس وزبەكستانعا بارىپ كەلگەن بولاتىن. ماقتاارالدىق جەكە كاسىپكەر قابىل بويەۆ جالپى قۇنى 3 ملرد تەڭگەنى قۇرايتىن ماقتا وڭدەيتىن زاۋىت قۇرىلىسىن باستاعان.
“Cotton-ماقتا” جشس-ڭ ءوندىرىس ورنى بيىل ىسكە قوسىلماق. زاۋىتتىڭ جىلدىق قۋاتتىلىعى – 60 مىڭ توننا، تاۋلىگىنە 600 توننا ماقتا تالشىعىن وڭدەيدى. كاسىپورىن ىسكە قوسىلعان كەزدە 50 تۇراقتى جۇمىس ورنى اشىلماق.
مۇنان سوڭ جۋرناليستەر بىرلىك اۋىلدىق وكرۋگىنە قاراستى وركەنيەت اۋىلىندا ورنالاسقان 200 ورىندىق جاڭا مەكتەپتىڭ قۇرىلىسىمەن تانىستى.
بيىل جىلدىڭ سوڭىنا دەيىن پايدالانۋعا بەرۋ جوسپارلانۋدا. جالپى اۋداندا 2018-2023 جىلدار ارالىعىندا 17 مەملەكەتتىك مەكتەپتىڭ جاڭا عيماراتى سالىنىپ، پايدالانۋعا بەرىلگەن.
بيىل ەركىناباد، ازامات، وركەنيەت جانە نۇرلىجول ەلدى مەكەندەرىنەن 200 ورىندىق 4 مەكتەپتىڭ قۇرىلىسى جۇرگىزىلىپ جاتىر. سونىمەن قاتار، «جايلى مەكتەپ» پيلوتتىق ۇلتتىق جوباسىمەن جاڭادان تاعى 5 مەكتەپتىڭ قۇرىلىسى جوسپارلانىپ، 2 مەكتەپتىڭ قۇرىلىس جۇمىستارى باستالىپ كەتكەن.
كەيىن جۋرناليستەر ءيىرجار اۋىلدىق وكرۋگى ازامات اۋىلىنداعى «نۇرماعانبەت» شارۋا قوجالىعىنا باردى. بيىل قوجالىقتىڭ يەسى 7،5 گەكتار جەرگە ماقتا ەگىپ، بۇگىندە ءونىم جيناپ جاتىر. جالپى بيىل ماقتاارالدىق شارۋالار 36 مىڭ گەكتاردان اسا جەرگە ماقتا ەككەن.
قازىگى تاڭدا ديقاندار ماقتاعا قاجەتتى اگروتەحنيكالىق شارالاردى اياقتاپ، ماقتا جيناۋ ناۋقانىن باستاپ كەتتى. قازىرگى تاڭدا ماقتا زاۋىتتارى مەن قابىلداۋ بەكەتتەرى تولىق جۇمىس ىستەپ تۇر. سونداي-اق، كۇزگى دالا جۇمىستارىن جۇرگىزۋگە مەملەكەت تاراپىنان جەڭىلدەتىلگەن باعامەن جانار-جاعارماي شارۋالارعا تاراتىلۋدا.
بۇگىندە 3 مىڭنان اسا ەگىستىك القاپتان 7،7 مىڭ توننا ماقتا جينالدى.
سونىمەن قاتار، جۋرناليستەر اۋدان ورتالىعى مىرزاكەنت كەنتىندە پايدالانۋعا بەرىلگەن ەكى قاباتتان تۇراتىن سپورت سارايىن ارالاپ شىقتى. جاڭا سپورت سارايى ەكى قاباتتان تۇرادى. عيماراتتا ەكى ۇلكەن سپورت زالى، جاتتىعۋ زالى مەن ساباق وتۋگە ارنالعان بولمەلەر بار. سونداي-اق، سپورت زالدا گاندبول، باسكەتبول، ۆولەيبول، كۇرەس، بوكس، گيمناستيكا، اۋىر اتلەتيكا، جەڭىل اتلەتيكامەن اينالىسۋعا بارلىق جاعداي قاراستىرىلعان.
