Elimizdiń ósip-órkendeýine, beibitshilik pen tynyshtyqtyń saqtalýyna óz úlesin qosqan ardaqty da aiaýly osy qarttarymyz ekeni málim. Osyny eskergen aýdan ákimi Baqyt Asanov 1 qazan – Qarttar kúnine orai ardager qariialarymyzdyń shańyraqtaryna tosynnan kirip baryp, merekelerimen quttyqtap qaitty.
Qarttarymyzdyń merekesine arnalǵan aýdan ákiminiń is-sharasy munymen bitken joq. Búgin aýdan ortalyǵy Myrzakent kentindegi «Ai-arý» meiramhanasynda 100-ge jýyq qariialarymyzǵa aýdan ákiminiń dastarhany jaiylyp, aýdandyq mádeniet úiiniń ónerpazdary tarapynan kontsert qoiyldy. Jiynda aýdannyń qoǵamdyq-saiasi damýyna óz úlesin qosyp, eldiń birligi men turaqtylyǵyn nasihattap júrgen birneshe belsendi qarttarymyz aýdan ákiminiń alǵys hatymen marapattalyp, syi-siiapatyna keneldi.
Jalpy mereke aiasynda qarttarymyzǵa arnalǵan aýdan ákimdigi men onyń qurylymdyq bólimderi, kent jáne aýyldyq okrýg ákimdikteri tarapynan kóptegen merekelik is-sharalar ótkizilip, oqýshylar men stýdentter tarapynan qariialarymyzǵa túrli kómekter kórsetilýde.
Maqtaaral aýdany ákiminiń baspasóz qyzmeti
