ەلىمىزدىڭ وسىپ-وركەندەۋىنە، بەيبىتشىلىك پەن تىنىشتىقتىڭ ساقتالۋىنا ءوز ۇلەسىن قوسقان ارداقتى دا اياۋلى وسى قارتتارىمىز ەكەنى ءمالىم. وسىنى ەسكەرگەن اۋدان اكىمى باقىت اسانوۆ 1 قازان – قارتتار كۇنىنە وراي ارداگەر قاريالارىمىزدىڭ شاڭىراقتارىنا توسىننان كىرىپ بارىپ، مەرەكەلەرىمەن قۇتتىقتاپ قايتتى.
– ۇلكەندى سىيلاۋ، ولارعا قۇرمەت كورسەتۋ – اتا-بابادان كەلە جاتقان سالتىمىز. سىزدەردىڭ ومىرلىك تاجىريبەلەرىڭىز بەن اقىل-كەڭەستەرىڭىز، ءتالىم-تاعىلىمدارىڭىزدىڭ ءبىز ءۇشىن ورنى بولەك. سەبەبى، ءاربىرىڭىز كيەلى ماقتاارال اۋدانىنىڭ وسىپ-وركەندەۋىنە قوسقان ۇلەستەرىڭىز بەن ەتكەن ەڭبەكتەرىڭىز جاس ۇرپاقتىڭ باقىتتى دا باياندى، شالقىپ عۇمىر كەشۋىنە سەپتىگىن تيگىزدى. تالاي جاستاردى تاربيەلەپ، وزدەرىڭىزدىڭ ءىزباسارلارىڭىزدى وسىردىڭىزدەر. مىنە، بۇگىن ەڭبەكتەرىڭىزدىڭ زەينەتىن كورىپ وتىرعان شاقتا دا سىزدەر ۇرپاقتارىڭىزعا يگىلىك پەن ىزگىلىكتىڭ، پايىم-پاراساتتىڭ ۇلگىسىن كورسەتۋىدەن تانباي كەلەسىزدەر. قارتتارى بار ەل - باقىتتى ەل. سوندىقتان، ەل باسىنا كۇن تۋعان زاماندا، قيىن-قىستاۋ كۇندەردە حالقىنا سۇيەۋ، جۇرتىنا قامقور، ۇرپاعىنا ادال بولعان قارتتارىمىز قاشان دا امان بولسىن! – دەدى باقىت ءناسىرحان ۇلى.
قارتتارىمىزدىڭ مەرەكەسىنە ارنالعان اۋدان اكىمىنىڭ ءىس-شاراسى مۇنىمەن بىتكەن جوق. بۇگىن اۋدان ورتالىعى مىرزاكەنت كەنتىندەگى «اي-ارۋ» مەيرامحاناسىندا 100-گە جۋىق قاريالارىمىزعا اۋدان اكىمىنىڭ داستارحانى جايىلىپ، اۋداندىق مادەنيەت ءۇيىنىڭ ونەرپازدارى تاراپىنان كونسەرت قويىلدى. جيىندا اۋداننىڭ قوعامدىق-ساياسي دامۋىنا ءوز ۇلەسىن قوسىپ، ەلدىڭ بىرلىگى مەن تۇراقتىلىعىن ناسيحاتتاپ جۇرگەن بىرنەشە بەلسەندى قارتتارىمىز اۋدان اكىمىنىڭ العىس حاتىمەن ماراپاتتالىپ، سىي-سياپاتىنا كەنەلدى.
جالپى مەرەكە اياسىندا قارتتارىمىزعا ارنالعان اۋدان اكىمدىگى مەن ونىڭ قۇرىلىمدىق بولىمدەرى، كەنت جانە اۋىلدىق وكرۋگ اكىمدىكتەرى تاراپىنان كوپتەگەن مەرەكەلىك ءىس-شارالار وتكىزىلىپ، وقۋشىلار مەن ستۋدەنتتەر تاراپىنان قاريالارىمىزعا ءتۇرلى كومەكتەر كورسەتىلۋدە.
ماقتاارال اۋدانى اكىمىنىڭ باسپا ءسوز قىزمەتى
